Б.ОД

Олон нийтийн анхаарлыг татаж буй Дарханы замын бүтээн байгуулалт, "Чингис хаан" олон улсын нисэх буудалтай холбоотой асуудлыг Засгийн газрын хуралдаанаар хэлэлцэхээр хүлээж байна.

Ерөнхий сайд энэ долоо хоногт Дарханы замын бүтээн байгуулалтын ажилтай танилцахаар төлөвлөж байгааг Ерөнхий сайдын Хэвлэлийн төлөөлөгч Ч.Болортуяа өнөөдөр Засгийн газрын хуралдааны шийдвэр танилцуулах үеэр хэлсэн юм. 

Өнөөдөр Зам тээврийн хөгжлийн яамнаас Засгийн газрын хуралдаанд товч танилцуулга хийжээ.

Дарханы замын бүтээн байгуулалтын хүрээнд таван багц ажил хийж байна. Багцуудын ажлын гүйцэтгэлийг харвал,

• Багц 1-97 хувь
• Багц 2-41 хувь
• Багц 3-98 хувь
• Багц 4-27 хувь
• Багц 5-99 хувийн гүйцэтгэлтэй ажил үргэлжилж байгаа юм. 

Дарханы замын бүтээн байгуулалттай холбоотой Засгийн газрын хуралдаанаас гарсан шийдвэрийг эргэн мэдээлэх болно.