Т.САЙХАН
УИХ-ын чуулганы нэгдсэн хуралдаанаар Үндэсний их баяр наадмын тухай хуулийн шинэчилсэн найруулгын төслийг баталлаа. Үүнтэй холбогдуулан УИХ-ын дарга Г.Занданшатар "Энэ хуулийг баталснаар Үндэсний их баяр цэнгүүн үндэсний эв нэгдлийн бэлэг тэмдэг болсон Монгол наадмыг хэл ам хэрүүл тэмцэлгүйгээр зохион байгуулах чиглэлээр холбогдох яамд, ажлын хэсэг холбоод онцгой анхаарч Ардын хувьсгалын 100, 101 жилийн ойг ёслол төгөлдөр тэмдэглэхэд хүчээ нэгтгэж хичээл зүтгэлтэй ажиллахыг уриалж байна" гэлээ.
Эх сурвалж:www.polit.mn
Санаа зовнигч
Хувьсгалын ойг давхар тэмдэглэнэ гэж ямар явдал болдог юм бол? За дарга нар лав л Сүхбаатарын хөшөөнд 2 дахин очиж ёслох нь гарцаагүй. Төрийн дууллаа 2 эгшиглүүлэхээс өөр арга байхгүй. Чингэс хааны хөшөөнд яах бол? Хөшөөнүүдэд ёсолж баяр хүргэсний дараа дарга нар маань бие биенийхээ гарыг нэг дор 2 удаа барьж баяр хүргэх болов уу, эсвэл жаахан байзнаж байгаад дахиад баяр хүргэж гар барих болов уу? За жирийн бор иргэд бие биендээ 100, 101 жилийн баяр хүргэхдээ дарга нарынхаа л янзыг харсан нь дээр биз дээ, шууд 2 баярын мэнд хүргэе энэ тэр гээд мэдэмхийрээд байлтай биш. Юутай ч болов эхлээд 100 жилийн, дараахан нь 101 жилийн баяр хүргэе гэх нь дээр үү? Стадионд бөх 2 удаа барилдах байх аа даа. Морь,сур, шагай ялгалгүй 2 уралдах биз. 100 - аар давхиулсан морио 101 - д шууд давхиулж болох уу? Эртхэн эхлүүлээд эхний ойн барилдааныг гялс дуусгаж даваагаар авсан бөх, морь, сурын шинэ цолуудыг нь хурдхан өгөөд шинэ цолтой барилдах бөхцүүлдээ эрэмбээр нь цэрэг, залуу бөхчүүлийг гялс оноож барилдааныг эхлүүлэх хэрэгтэй дээ. Ямаршуу наадам болдог бол, давхар наадам гэж цоо шинэчилсэн юм л болох нь дээ.