Б.НЯМСҮРЭН

Гэр Бүл Хүүхэд Залуучуудын Хөгжлийн Газар, ЦЕГ, НЭМҮТ, МХЕГ, ОБЕГ-ын хамтарсан баг "Нэгдүгээрт хүүхэд" хүүхэд хамгааллын урьдчилан сэргийлэх нөлөөллийн арга хэмжээ сэдвээр мэдээлэл хийлээ.

Хүүхдийн эрхийн тухай хууль, Хүүхэд хамгааллын тухай хууль, Хүүхдийн төлөө үндэсний зөвлөлийн 2018 оны 03 дугаар тогтоол, 2022 оны “Төлөвлөгөө батлах тухай” 01 дүгээр тогтоолын хэрэгжилтийг хангах хүрээнд “Нэгдүгээрт хүүхэд” аянг  зохион байгуулж байгаа аж. Тус аян нь хүүхдийн эсрэг хүчирхийлэл, гэмт хэрэг, зөрчил үе тэнгийн дээрэлхэлт болон болзошгүй эрсдэлээс урьдчилан сэргийлэх, хууль тогтоомжийг иргэд, олон нийтэд таниулан сурталчлах зорилготой юм. Нэгдсэн арга хэмжээний хүрээнд эрсдэлийн программд бүртгэлтэй хүүхдүүдээс таван хүүхдийг сонгоод очиж зөвлөн туслах үйлчилгээ үзүүлэх юм. тус зөвлөн туслах үйлчилгээг 860 гаруй өрхийн 2800 орчим хүүхэд үзүүлэх байна. хүүхэд хамгааллын зардлыг 2022онд сайд нарын хамтарсан тушаалаар гурван түвшинд баталсан. “Нэгдүгээрт хүүхэд” ажлын хүрээнд 70.4 сая төгрөг төлөвлөжээ.

Гэр Бүл, Хүүхэд Залуучуудын Хөгжлийн Газрын Хүүхдийн эрхийн хэрэгжилтийн газрын дарга Г.Саранхүү "Нэгдүгээрт хүүхэд" нэгдсэн арга хэмжээний хүрээнд хоёр бүлгээр нийт 24 ажлыг төлөвлөсөн.Тухайн хорооны өрхийн эмнэлэгт хүүхдийг хамгаалах чиглэлд эрүүл мэндийн тусламж үйлчилгээ үзүүлэхдээ юуг анхаарах талаар зөвлөн тусална.Боловсролын орчинд хүүхдийн эрхийг хамгаалах хүрээнд сургууль дээр байгаа хүүхэд хамгааллын баг хүүхдийг эрсдэлээс урьдчилан сэргийлэхэд ямар чиг үүрэгтэй ажиллах талаар зөвлөн тусална. ОБЕГ-тай хамтран зуны амралт эхэлсэнтэй холбоотойгоор эрсдэлээс урьдчилан сэргийлэх ажлыг, НЭМҮГ-тай хамтран осол гэмтлээс хүүхдийг хамгаалах чиглэлээр ажлыг зохион байгуулж байна.Нэгдсэн арга хэмжээний хүрээнд Сургуулийн хүүхэд хамгааллын багт хуулиар хүлээсэн чиг үүргийг нь танилцуулахаас гадна, энэ хүрээнд ямар чиглэлээр нөлөөллийн ажил хийх талаар зөвлөн туслан ажиллаж байна. Тухайлбал, 15 настай хүүхэд ээж болсон кэйсийг та бүхэн мэдэх байх. Энэ тохиолдолд сургуулийн хүүхэд хамгааллын баг урьдчилан сэргийлэх ажлынхаа хүрээнд болон хуулиар хүлээсэн чиг үүргээ биелүүлээгүй" гэлээ.

НЭМҮТ-ийн өвчнөөс урьдчилан сэргийлэх албаны дарга Гэрэлмээ Эцэг, эхчүүдэд эрүүл мэндийн боловсрол олгох сургалтыг ажлын байраар дамжуулан хүргэх ёстой. Хоёрдугаарт хүүхдийн хамгийн аюулгүй орчин гэр байх ёстой. Осол гэмтлийн шинэ өвчлөлийн тэргүүлэх шалтгаан буюу 50 орчим хувь нь  гэр дотроо унаж гэмтсэн гэх тоон үзүүлэлт ГССҮТ-өөс гарсан. Дараагаар нь зам тээврийн осол орсон. Ингэхдээ өндрөөс буюу, явганаас унах байдлаар гэмтсэн байгаа. Иймд эцэг эхчүүд хүүхдийнхээ аюулгүй орчныг бүрдүүлэхэд анхаарах хэрэгтэй. Төлөвлөгөөний дагуу хамтарсан багаараа ажиллаад явна” гэлээ.