Б.ДОЛЖИНЖАВ

Япон улс руу зорчих иргэд  COVID-19-ийн эсрэг дархлаажуулалтын вакцины төрлөөс хамаарч  өөр өөр тусгаарлалтыг хэрэгжүүлнэ. Тухайлбал,  “Pfizer”, “AstraZeneca”, “Moderna”, “Janssen” төрлийн вакцины  гурван  тунд хамрагдсан зорчигчийн хилийн боомтод өгсөн шинжилгээний хариу сөрөг гарсан тохиолдолд тусгаарлахгүй.

Харин шинжилгээний хариу эерэг гарсан тохиолдолд долоо хоногийн тусгаарлалтын зардлыг өөрөө хариуцна. Тусгаарлалтын гурав дахь өдөр өөрийн хүсэлтээр тус улсад хүлээн зөвшөөрөгдсөн лабораторид шинжилгээ өгөх боломжтой. Хариу сөрөг гарсан тохиолдолд тусгаарлалтыг дуусгах боломжтой.  Зорчигчид нисэхээс өмнө 72 цагийн дотор өгсөн PCR шинжилгээний сөрөг хариутай байх шаардлагатай. “MySOS” аппликэйшнийг татан авч, шинжилгээний хариуг Япон Улсад ирэхээс хамгийн багадаа 16 цагийн өмнө “MySOS” аппликэйшнд оруулна.12 наснаас доош насны хүүхдийн мэдээллийг эцэг, эх, асран хамгаалагчийн хэн нэгний мэдээлэлтэй хамт оруулна.  Япон улс руу зорчих дээрх шаардлагууд нь цар тахлын нөхцөл байдлаас шалтгаалан өөрчлөгдөх боломжтойг ГХЯ-ны Консулын газраас анхааруулав. Мөн вакцины гэрчилгээ нь англи эсвэл япон хэлээр орчуулагдсан байх шаардлагатай юм.

Эх сурвалж: www.polit.mn