Ерөнхий сайд Л.Оюун-Эрдэнэ олон улс, тив дэлхийн уралдаан, тэмцээнд амжилттай оролцож, эх орныхоо нэрийг өндөрт өргөж, Хүүхдийн төлөө сангаас шагнал хүртсэн хүүхдүүдэд баяр хүргэж, Олон улсын хүүхдийн эрхийг хамгаалах өдрийн мэндчилгээ дэвшүүлээд цаашид амжилтаа улам ахиулахыг ерөөлөө.

Хүүхдийн төлөө санг 2020 онд байгуулж, 2021 онд Хүүхдийн төлөө сангийн хөрөнгийг зарцуулах, түүнд хяналт тавих журмыг баталсан. Өнөөдрийн байдлаар тус сангийн дансанд зургаан тэрбум төгрөг байна.

Журамд:

-Хүүхдэд зориулсан бүтээн байгуулалтыг санхүүжилтээр дэмжих

-Олон улс, тив, дэлхийн соёл, урлаг, спортын уралдаан тэмцээн, наадамд амжилт гаргасан хүүхдийг шагнаж урамшуулах

“Олон улс, тив, дэлхийн соёл, урлаг, спортын уралдаан тэмцээн, наадамд оролцох бэлтгэл хангаж байгаа болон оролцох болзол хангасан хөгжлийн бэрхшээлтэй хүүхдэд дэмжлэг үзүүлэхэд зарцуулна гэж заажээ. 

Хүүхдийн төлөө сангийн хөрөнгө нь улсын төсөв, хандив тусламж, авто тээврийн хэрэгслийн сонирхол татахуйц улсын бүртгэлийн дугаар борлуулсны орлого, хүүхдэд зориулсан бүтээн байгуулалтыг дэмжсэн соёл, урлаг, спортын тоглолтын хандиваас бүрддэг юм.