Эрдэнэт хотын агаарын бохирдлыг багасгах зорилгоор мод тарьж үлгэр жишээ болж байгаа нэгэн байгууллагыг танилцуулж байна. Энэ байгууллага бол Бурханы сүм дэлхийн сайн мэдээний авралын зар нийгэмлэг (Ерөнхий пастор Ким Жү Чоль, цаашид Бурханы сүм гэх) юм. Энэ сарын 22-ны өдөр Бурханы сүмийн итгэгч гишүүд ар гэр, ойр дотныхонтогоо хамт Баян-Өндөр уулын Хүрэн булаг рашаанд 20 гаруй мод тарьж, цэвэр хотын төвийг бүрдүүлэх, уур амьсгалын өөрчлөлттэй тэмцэх ажилд хувь нэмрээ оруулжээ.
Бурханы сүмийн албаны хүн хэлэхдээ, “Нүүрстөрөгчийн давхар ислийн ялгарал, уур амьсгалын өөрчлөлтөөс үүдэлтэй агаарын бохирдол, цөлжилт зэрэг нь байгаль орчинд ихээхэн хор хөнөөл үзүүлж байгаа ийм цаг үед хойч үеийнхэндээ өвлүүлэн үлдээх амьдралын үндэс болсон эх дэлхийнхээ байгаль орчныг хайрлан хамгаалах үйлсэд манай сүмийн олон итгэгч нэгдэж оролцлоо. Цаашид илүү олон хүнтэй хамтран ажиллах байх гэж найдаж байна” гэв.
Өглөө 11 цагт эхэлсэн энэхүү сайн дурын ажилд оролцогчид тарьц суулгац, хөрсөө бэлтгэж ирээд хэд хэдээрээ хуваагдан нэг баг болж, инээмсэглэн ажиллаж байв.
Өнгөрсөн жил Бурханы сүм нь Нийслэлийн Баянгол дүүргийн ИТХ-тай хамтран Агропарк экологийн цэцэрлэгт хүрээлэнд 500 ширхэг хайлаас мод тарьж, цөлжилтөөс урьдчилан сэргийлэх ажилд хувь нэмрээ оруулжээ. Мөн 3-р сард Дархан хотын 5 том барилгын ойр орчмыг цэвэрлэж, орон нутгийн байгаль орчныг хамгаалах ажилд манлайлан оролцсон байна. Түүнчлэн тус сүм өнгөрсөн 20 жилийн турш гадаад ба дотоодод байгаль орчныг хамгаалах 9300 гаруй кампанит ажил зохион байгуулжээ. Монгол төдийгүй дэлхийн 17 оронд нийт 25000 гаруй модыг бүс, орон нутгийн засаг захиргаатай хамтран тарьсан байна.
Дэлхийн 175 орны 7500 гаруй сүмд 3,3 сая итгэгч гишүүнтэй Бурханы сүм нь байгаль орчныг хамгаалах үйлсэд оролцохоос гадна гамшгийн үед тусламж үзүүлэх, цусаа хандивлах, хөршүүддээ туслах, боловсролыг дэмжих чиглэлээр үйл ажиллагаа явуулдаг байна. Монголд ч мөн тасралтгүй сайн дурын үйл ажиллагаа зохион байгуулсаар байгаа юм байна. Энэ оны 3-р сард Улаанбаатар хотын Баянгол дүүргийн 18-р хорооны цагдаагийн хэлтэст цагдаагийн тусгай тоног төхөөрөмжийн тусламж үзүүлсэн байна. 2-р сард Библид тэмдэглэгдсэн Бурханы баяр болох "Шинэ гэрээний Алгасал баяр"-аар зөвшөөрөгдсөн Христийн хайр ба золиосыг дурсах зорилгоор "Алгасал баярын хайр, амь бэлэглэх хайр” цус хандивлах донорын аяныг зохион байгуулж, 80 орчим хүн оролцжээ. Мөн Баянзүрх дүүргийн 4-р хороотой хамтран өндөр настнуудыг хүлээн авч, ахмад буурлууддаа баяр хөөр бэлэглэсэн аж.
Шинэ төрлийн коронавирусын халдвар (COVID-19)-аас урьдчилан сэргийлэх, даван туулах ажилд ч мөн тэд идэвх санаачлагатай оролцжээ. Баянзүрх дүүргийн 4-р хороонд оверлок оёдлын машин, дижитал оёдлын машиныг хандивласан нь “COVID-19”-ийн улмаас эдийн засгийн хүндрэлтэй тулгараад байгаа орлого багатай эмэгтэйчүүдийг сургаж, мэргэжил арга зүйн удирдлагаар ханган, ажлын байр нэмэгдүүлэх ажилд хувь нэмрээ оруулжээ. Хорио цээрийн дэглэмийн үед тэргүүн шугаманд ажиллаж байгаа хүмүүст дэмжлэг үзүүлэх зорилгоор Эрүүл мэндийн яам, Орхон аймгийн Эрүүл мэндийн төв, Дархан-Уул аймгийн Онцгой байдлын газарт нийт 27,000 амны хаалт, чацарганы ундаа хандивласан байна. Түүнчлэн хорио цээрийн үед эмзэг бүлгийн иргэдэд зориулж 30 иж бүрдэл хүнсний бүтээгдэхүүн Баянгол дүүргийн ИТХ-д хандивлаж, халдвар авсан хүмүүсийн ар гэрийнхэнд 1,2 сая төгрөгийг хандивлан, эрч хүч, урам зориг өгчээ.
Тасралтгүй өрнүүлсээр байгаа хүмүүнлэгийн үйл ажиллагааныхаа үр дүнд Бурханы сүм АНУ-ын ерөнхийлөгч Байден, Трамп, Обама нарын Засгийн газраас сайн дурын ажлын тэргүүн дээд шагнал (Алтан шагнал 50 удаа) хүртжээ. Мөн БНСУ-ын гурван ерөнхийлөгчөөс Ерөнхийлөгчийн нэрэмжит шагнал хүртсэн байна. Бурханы сүмд байгаль орчны олон улсын шагнал болох “Ногоон дэлхий”, “Ногоон алим” гэх мэт нийтдээ 3300 гаруй шагналыг орон орны төр засгийн ба олон улсын байгууллагаас олгосон байна.
Монгол улсад авсан шагналаас дурдвал Байгаль орчин, аялал жуулчлалын яамны сайдын өргөмжлөл, Эрүүл мэнд, нийгмийн хамгааллын яамны сайдын өргөмжлөл, Эрүүл мэнд, спортын яамны сайдын өргөмжлөл, Хүнс, хөдөө аж ахуйн яамны жуух бичиг, Цусны төвийн даргын талархал зэрэг шагналуудыг хүртсэн байгууллага юм байна.
Бурханы сүм дэлхийн сайн мэдээний авралын зар нийгэмлэг