С.САРУУЛ

Улаанбаатар хотын тэг цэг буюу Төв шуудангийн уулзварт энэ сарын 25-ны өдрөөс хөдөлгөөн зохицуулах гэрэл дохионы горимд өөрчлөлт оруулахаар төлөвлөж буйг Замын Хөдөлгөөний удирдлагын төвөөс мэдээллээ. Уулзварт явган зорчигчдын хүлээлтийн хугацаа их байдаг тул хугацааг багасгах юм байна. Иймд жолооч нар уулзвараар Баруун, зүүн гар тийш эргэхдээ тухайн хөндлөн замын зорчих хэсгийг явган хүний гарцаар хөндлөн гарч яваа явган зорчигч, мөн унадаг дугуйн зам буюу эгнээний огтлолцлоор хөндлөн гарч яваа унадаг дугуй, мопедод зам тавьж өгнө гэсэн дүрмийг баримталж анхаарал болгоомжтой оролцохыг зөвлөлөө.

Эх сурвалж: www.polit.mn