Б.ДОЛЖИН

Олон улсын соёлын өвийг хамгаалах сан “World Monuments Fund”-аас эрсдэлд орсон яаралтай хадгалж хамгаалах шаардлагатай дэлхийн 25 соёлын дурсгалт газрын нэгээр Чойжин ламын сүм музейг 2020 онд сонгож, АНУ-ын Элчин сайдын нэрэмжит Соёлын өвийг хамгаалах сан- (AFCP) -гаас Ядам сүмийг сэргээн засварлах төсөлд 2021 онд тэтгэлэг олгосон билээ.

Иймээс Чойжин ламын сүм музейн Ядамын сүм буюу нууц тарни нандин шүтээний сүмийн барилгыг 2022 оны тавдугаар сараас аравдугаар сард иж бүрнээр нь сэргээн засварлах  бэлтгэл ажил эхэлжээ. Ядам сүмийн сэргээн засварлалтын ажлыг "Энэржин" компани гүйцэтгэх юм байна.

Төсөлд “World Monuments Fund” сангийн түүхэн барилгын сэргээн засварлалтын зөвлөх АНУ-ын мэргэжилтэн  Стивен Келли, БНХАУ-ын Чинхуа их сургуулийн сүм хийдийн модон бүтээцийн сэргээн засварлалтын мэргэжилтэн зөвлөгөө өгч ажиллах юм байна.

Эх сурвалж:www.polit.mn