“Зууны мэдээ” сонин салбар салбарын тэргүүлэгчид, шинийг санаачлагчдыг “Leaderships forum” буландаа урьж, Монгол Улсын хөгжлийн гарц, боломжийн талаар ярилцаж тэдний сонирхолтой шийдэл, санаануудыг уншигчиддаа хүргэдэг билээ. Ээлжит зочин Монгол Улсын Ерөнхийлөгчийн дэргэдэх Хэлний бодлогын үндэсний зөвлөлийн Ажлын албаны дарга Н.Нарангэрэлийн хэлсэн онцлох эшлэлийг хүргэж байна.

-Эх хэлээ хамгаалах нь зөвхөн судлаачдын биш хүн бүрийн үүрэг.

-Дүрэмгүй хэл, дөрөөгүй эмээл гэж байдаггүй.

-Дүрмийн дагуу бичиж сураагүй буруу дадсан нь зөрүүтэй байдал үүсгэсэн.

-Монгол Улс олон талт нээлттэй харилцаатай улс учраас монгол хэлний үгийн санд шинэ үг нэвтрэн орж ирэх нь өмнөх үеэс өссөн. Нэг талаас хэлийг эвдээд байгаа мэт боловч нөгөө талаас монгол хэлний үгийн санг баяжуулж буй үзэгдэл.

-Харь хэлэнд үг нэвтрэх нь тухайн улсын эдийн засаг, соёл урлаг, шашны нөлөөллөөс шалтгаалдаг.

-Монгол хэлний нутгийн аялгуу, угсаатны цөөнхийн хэл, дохионы хэл, брайл үсгийг хамгаалах, судлах, хөгжүүлэхэд тохирсон арга зүйг боловсруулж хэрэгжүүлнэ.

-Гаднын улс оронд насны ангиллаар судлан зурагтын тусгайлсан суваг, контентыг хөгжүүлж, тэдний хэл сэтгэлгээ алдран доройтохоос сэргийлдэг.

Эх сурвалж: www.polit.mn