П.АМГАЛАНБАЯР

Бүх Японы аварга шалгаруулах үнэмлэхүй жингийн тэмцээн болно. Тус тэмцээн  ирэх сарын 29-нд Бүдокан ордонд болох бөгөөд оролцох тамирчдын нэрсийг Японы жүдо бөхийн холбооноос зарлалаа. Тодруулбал, Токио олимпын аварга 60 кг-ын жингийн Наохиса Такато, 73 кг-ын Шёохэй Оно нар үнэмлэхүй жинд өрсөлдөхөөр болжээ. Мөн Шёочиро Мүкаи, Рюносүкэ Хага, Юсей Огава, Хёога Ота, Тацүро Сайто, Такэши Ожитани нар мэдүүлгэд орсон байна. 
Наохиса Такато эхний тойрогт 90 кг-ын жингийн Танака Дайкацү, Шёохэй Оно мөн 90 кг-ын жингийн Маэда Казүяатай учраа таарчээ. Таката 2018 онд үнэмлэхүй жингийн УАШТ-д оролцож, эхний тойрогт ялагдсан бол Оно 2014, 2017 онд зодоглож байжээ.

Эх сурвалж: www.polit.mn