Д.ДАРАМБАЗАР
Монголын снукер бильярдын тамирчид 2021 оны ДАШТ, 2022 оны Ази тивийн аварга шалгаруулах тэмцээнд амжилттай оролцсон. Дэлхий, тивийн АШТ-д О.Лхагвадорж, Т.Хаш-Очир нар эрэгтэйчүүдийн ангилалд, Б.Нарантуяа, Б.Билгүүнзаяа, Ж.Отгонбаяр нар эмэгтэйчүүдийн төрөлд өрсөлдсөн. Үүнээс Б.Нарантуяа сонирхогчдын ДАШТ-ий шөвгийн наймд шалгарсан юм. Улмаар гуравдугаар сарын 1-15-нд болсон снукер бильярдын Ази тивийн АШТ-д Б.Нарантуяа гуравдугаар байр эзэлж, Монголын бильярдын түүхэнд шинэ хуудас нээсэн юм. Тэгвэл сүүлийн үед амжилт арвин байгаа бильярдын тамирчид болон холбооны төлөөллийг МҮОХ-ны Ерөнхийлөгчийн үүрэг гүйцэтгэгч Ч.Наранбаатар хүлээн авч уулзан баяр хүргэж, МҮОХ-ны шагнал гардууллаа. Мөн Монголын бильярдын холбооны ерөнхийлөгч Б.Мандахбаяр, Монголын бильярдын холбоог үүсгэн байгуулагч, холбооны Удирдах зөвлөлийн гишүүн М.Мягмаржав, Д.Амаржаргал нарыг МҮОХ-ны “Алтан очир” одонгоор, тамирчин Б.Нарантуяаг “Олимпын алдар” одонгоор шагналаа.
Эх сурвалж:www.polit.mn
