Б.ОД

Тээврийн цагдаагийн албанаас “Сурагчдын аюулгүй байдалд эцэг эх, асран хамгаалагчийн үүрэг оролцоо” сэдвээр хэвлэлийн хурал хийлээ. Сүүлийн гурван жилд улсын хэмжээнд зам тээврийн 1753 осол бүртгэгдсэн. Энэ ослын улмаас нийт 1981 хүүхэд хохирсон буюу 166 хүүхэд амиа алдаж, 1817 хүүхэд гэмтэж бэртсэн байна. Тодруулбал, 2019 онд 49, 2020 онд 61, 2021 онд 51 хүүхэд зам тээврийн ослын улмаас амиа алджээ.

Энэ талаар ТЦА-ны Урьдчилан сэргийлэх хэлтсийн дарга Б.Очирбат “Хүүхдүүд ихэвчлэн гэр, сургууль, цэцэрлэгтээ явж байхдаа зам тээврийн осолд өртөх тохиолдол  их гардаг. Өнгөрсөн онд зам тээврийн ослоор амиа алдсан 51 хүүхдийн шалтгааныг үзэхэд 14 нь  хашаандаа тоглож байсан. 0-6 хүртэлх насны хүүхэд хүртэл яагаад зам тээврийн осолд өртөв гэдгийг авч үзэхээр эцэг, эх болон тэдний садан төрөл, найз нөхөд нь хашаанаас автомашинаа гаргахдаа хүүхэд тоглож байгааг харалгүй, мөргөж амийг нь хохироосон  байдаг. Мөн зам тээврийн ослын улмаас нас барсан хүүхдийн дийлэнх хувь нь орон нутгийн замд гарсан осолтой холбоотой. Энэ нь хүүхдэд хамгаалалтын бүс, суудал хэрэглээгүй буюу хүүхдийг буруу тээвэрлэсэнтэй холбоотой. Үүнээс гадна эцэг, эхчүүд согтууруулах ундаа хэрэглэсэн үедээ тээврийн хэрэгсэл жолоодсоны улмаас хүүхэд хохирч байна” гэж ярилаа.

Нийт осолд өртсөн хүүхдүүдийг насны ангиллаар авч үзвэл насны хүүхэд 34.7 хувийг, 7-14 насны хүүхэд 42 хувийг, 15-17 насны хүүхэд 22.  хувийг тус тус эзэлж байна.

Эх сурвалж:www.polit.mn