Б.ОД

Манай улсад барилгын материалын нөөц ямар байгаа талаар БХБЯ-наас мэдээллээ. 

Энэ талаар Барилга хот байгуулалтын дэд сайд Э.Золбоо "Монгол Улсын жилийн арматурын хэрэглээ 250 мянган тонн байдаг.  Үүнээс 80 мянга орчим тонн арматурын нөөц бүрүүлсэн. Цаашдаа урд хөршөөс арматур оруулж ирэх шаардлага үүссэн. Харин ОХУ-аас 30 орчим мянган тонн арматур худалдан авсан. Ерөнхийдөө 130 мянган тонн арматурын нөөцийг ирэх дөрөвдүгээр сард хангана. Жилийн 250 мянган тонн арматур гэж үзвэл 50 орчим хувийн нөөцийг хангасан байна. Бид төмөр замаар 1000 орчим бараа оруулж ирэхээр Хятадын талтай тохиролцсон. Чингэлэг тээвэрт арматур багтахгүй учраас задгай вагоноор оруулах шаардлагатай. Түүнчлэн ирэх тав, зургадугаар сард бусад арматурыг энэ хэлбэрээр тээвэрлэх төлөвлөгөөтэй байна. Тиймээс энэ зуны бүтээн байгуулалтыг хийхэд арматур болон цементийн хомстол үүсэхгүй хэмээн тооцож байгаа. Гэхдээ цар тахлаас шалтгаалж урд хөрш хилээ хэзээ ч хамаагүй хаах магадлалтай. Харин хойд хөрш маань дайны нөхцөлд буй учраас маргааш юу болохыг таашгүй" гэсэн юм.                              

 Эх сурвалж:www.polit.mn