Б.ОД
Оюутолгойн зэсийн баяжмал боловсруулах үйлдвэр байгуулах талаар Уул уурхай, хүнд үйлдвэрийн сайд Г.Ёндон мэдээлэл өглөө.
Тэрбээр "Хар төмөрлөгийн үйлдвэрийг Дархан-Уул, Орхон, Дорноговь аймагт хөгжүүлнэ. Цемент манай улсад хангалттай байна. Арматур болон ган бүтээгдэхүүн хэрэгтэй. Манай улс 2019 онд 8.4 сая тонн төмрийн хүдэр болон баяжмалыг экспортод гаргасан. Ган бүтээгдэхүүн үйлдвэрлэхэд төмрийн хүдэр, коксжих нүүрс, шохойн чулуу байх шаардлагатай. Энэ бүх зүйл байхад гаднаас гангаа авдаг. Хүнд үйлдвэрлэлээ хөгжүүлж чадаагүй байгаагийн горыг амсаж байна. Эхний шатны боловсруулалтыг хийх тусам дараагийн шатны үйлдвэр хөгжөөд эхэлдэг. Үүний тулд үйлдвэрлэл технологийн парк байгуулахаар төлөвлөөд байна. Оюутолгойн зэсийн баяжмал боловсруулах үйлдвэр байгуулж, нэмүү өртөг шингэсэн бүтээгдэхүүн үйлдвэрлэнэ. Мөн үнэт металл цэвэршүүлэх үйлдвэр байгуулах юм" гэв.
Эх сурвалж:www.polit.mn