Ч.ЗОТОЛ
“Номын сан” төслийн хүрээнд Монгол Улсын 21 аймаг, есөн дүүрэгт номын сан нээхээр болжээ. Төслийг хэрэгжүүлэгчид “Иргэд цахим орчинд ихэнх цагаа өнгөрүүлж, амьд харилцаа үгүйлэгдэж байгаа эрин үед ном, номын сан гэрт чинь ойртож байна” хэмээн хэлж байна.
Баянгол дүүргийн МоАХ-ны байранд нээлтээ хийсэн “Номын сан” төслийн анхны салбарын нээлтэд Монгол Улсын Соёлын гавьяат зүтгэлтэн, Чингис хаан одонт зохиолч, яруу найрагч Гомбожавын Мэнд-Ооёо, Монгол Улсын Соёлын гавьяат зүтгэлтэн, сэтгүүлч А.Баатархуяг, "Болор цом" яруу найргийн наадмын тэргүүн байрын шагналт О.Цэнд-Аюуш нар оролцов.
Төслийн хүрээнд номын фонд бүрдүүлж байгаа бөгөөд номын сан нь шинжлэх ухааны бүх салбарын, хүүхдийн, хүний хөгжлийн, уран зохиолын гэх мэт олон төрөл зүйлд хамаарах 1500 гаруй номтой, цаашид уншигчдынхаа хүсэлтээр, мөн шинэ номоор фондоо тасралтгүй баяжуулах зорилготой гэв. Цаашид шинээр нээх Номын сан бүрд зохиолчдын шинэ номын нээлт хийх, уншигч зохиолчдын уулзалт зохион байгуулах, яруу найргийн уншлага хийх, утга зохиолын дугуйлан хичээллүүлэх гэхчлэн бүх талаар нээлттэй ажиллана гэлээ.
Эх сурвалж: www.polit.mn