Зууны мэдээ” сонин салбар салбарын тэргүүлэгчид, шинийг санаачлагчдыг “Leaderships forum” буландаа урьж Монгол Улсын хөгжлийн гарц, боломжийн талаар ярилцаж тэдний сонирхолтой шийдэл,санаануудыг уншигчиддаа хүргэдэг билээ. Ээлжит зочин Хэрэглэгчийн эрхийг хамгаалах төвийн тэргүүн, улс төр судлаач Д.Мөнхтөрийн онцлох эшлэлийг хүргэж байна.

-Ачаалал хэтрэхэд ажилдаа түүртэх, үр дүн гарахгүй байх сөрөг талтай.

-Монгол Улс бизнесийн орчныг сайжруулах, монополийн эсрэг ААН-үүдээ дэмжихийн тулд ШӨХТГ-ын орчин нөхцөл, хууль, эрх зүйн зохицуулалт, бүтцийг шинэчлэх шаардлагатай.

-Дотоодын үйлдвэрлэл, мөнгөний эргэлтийг Монголбанк барьдаг бол тэдгээрийн хөрсөн дээрх хуулийн хэрэглээ, хэрэгжилт талаас нь гол зохицуулалт хийж ажилладаг байгууллага бол ШӨХТГ.

-Өнөө үед эдийн засгийн байдал нь тухайн улсын тусгаар тогтнол, аюулгүй байдлын гол үндэс болсон.

-Дэлхийн өндөр хөгжилд хүрсэн орнууд хэрэглэгчийн эрхийг хамгаалах асуудлыг онцгойлон анхаарч зангидмал бодлого хэрэгжүүлэх замаар урагшилсан.

-Өндөр хөгжилтэй орнууд хөгжилд хүрсэн нууцаа хэрэглэгчийн эрхийг хамгаалах хууль, эрх зүйн орчинг “Эдийн засгийн харилцааны үндсэн хууль” гэж өргөмжлөн чанд хэрэгжүүлж ирсэнтэй холбоотой.

-Иргэд Улаанбаатарт ирж амьдрах, бизнес эрхлэх илүү боломжтой гэж үзэж нийслэл рүү зүглэж байгаагийн гол шалтгаан нь орон нутагт монополь байдал хэтэрсэнтэй холбоотой.

-Удирдлага, бодлого тогтвортой байх нь чухал.

Эх сурвалж: www.polit.mn