Ч.ЗОТОЛ

Монгол Улсын гавьяат тамирчин Э.Цэндбаатар, ОУХМ, цагдаагийн “Хүч”  спорт хорооны тамирчин Г.Баярхүү нар мэргэжлийн бокст хийж буй хоёр болон  гурав дахь  тулаан өнөөдөр 22.00  цагт  ОХУ-ын нийслэл Москвад болно.

Монголчууддаа, боксын спортыг дэмжигч фенүүддээ зориулан   тулааныг хамгийн хямд өртгөөр хүргэхийг хичээж байгаагаа  тэд илэрхийлж байсан юм. Учир нь телевизийн тусгай сувгууд өндөр төлбөртэй учир үзэгчид бүгд үзэж чаддаггүй. Тэгвэл  цахим орчинд “TSENDBAATAR 2022.02.22”  гэсэн нэртэй групп нээсэн бөгөөд  Хаан банкны 5123094030 Цэндбаатар гэсэн дансанд  2200 төгрөг шилжүүлж, гүйлгээ баталгаажсан зургаа /Гүйлгээний утга дээр fb нэрээ бичих/ энэхүү пэйж рүү  22 цагаас өмнө илгээснээр тулааныг үзэх боломжтой болох юм.

ОУХМ Г. Баярхүү  ОХУ-ын тамирчинтай,  Э.Цэндбаатар   Азербайджаны тамирчинтай хүч үзнэ. Тэрбээр цахим хуудсаараа дамжуулан  “Намайг дэмждэг, боксын спортыг  сонирхдог хүмүүстээ  тулааныг хамгийн хямд зардлаар үзүүлэх   үүднээс сошиал дахь  группээр шууд цацахаар болсон. Яагаад гэвэл хүн болгонд  iptv  байхгүй,  харин гар утсаараа үзэх боломж бол байгаа. Бид  6-8 раунд тоглоно. Үнэхээр намайг дэмждэг, бокс сонирхогчдод 2200 төгрөг их биш гэж бодож байна. Олон улсын тоглолтын бичлэгийг өндөр үнэтэй худалдан авдаг юм байна лээ. Манай баг хамт олон энэ тоглолтыг та бүхэнд шууд дамжуулахын тулд багагүй   төлбөр  төлж байгааг ойлгоорой.  Зардлаа нөхөх үүднээс багахан төлбөртэй лайв хийхээр болсон юм. Та бүхэн хэдхэн лайк шейрийн төлөө битгий энд тэнд давхар лайв хийж цацаарай. Миний тоглолтыг үнэгүй түгээх нь намайг дэмжиж байгаа гэсэн үг биш гэдгийг ойлгоорой. Үнэхээр спортод хайртай, сонирхолтой  тулаан үзье гэсэн хүмүүс энэ группд нэгдсэндээ харамсахгүй. Гоё тоглолт үзүүлэхийн төлөө бид  хичээнэ” хэмээн сэтгэгдлээ илэрхийлжээ.

Эх сурвалж: www.polit.mn