Б.Дэмбэрэлням

NBA- ийн 75 дахь улирлын “Бүх Оддын тоглолт” өнөөдөр өндөрлөлөө. Тоглолтын үеэр Бостон селтикс багийн лидер Жэйсон Тэйтумтай “SPS” телевизийн сэтгүүлч Б.Ялалтын хийсэн ярилцлагыг хүргэж байна.

-“Бүх оддын тоглолт”-ын долоо хоногийн талаарх сэтгэгдлээ хуваалцахгүй юу.  Хэр догдолж байв?

-Баяртай байна. Гурав дахь удаагаа оролцож байгаа ч анхных шигээ л догдолж байна. Үзэгч, дэмжигчиддээ зориулж гайхалтай шоу толилуулна гэдэгтээ итгэлтэй байгаа.

-Танай баг сүүлийн 10  тоглолтдоо есөн удаа хожсон. Миний бодлоор танай хамгаалалт  сайжирсан санагдаж байна. Улирлын хоёрдугаар хагасыг юу гэж төсөөлж байна?

-“Бүх оддын тоглолт”-ын завсарлага бол плэйоффын төлөөх сүүлийн дайралтаа хийх боломж. Хасагдах шатанд шуугиан тарина гэж бодож байна.

-Жеймс Харден, Бен Симмонс нарын солилцооны талаар та юу бодож байна вэ?

-Дорнод бүсийн өрсөлдөөнийг илүү сонирхолтой болгох байх. Юу болохыг харцгаая.

-Хөгжилтэй асуулт. Та эзэнгүй арал дээр багийнхаа хамтрагчдаас нэгтэй нь сар бол гэвэл хэнийг сонгох вэ?

-Грант Виллиамс. Их зүйл хийх хэрэгтэй болно. Эвтэй байх нь чухал шүү дээ. Бидний үзэл бодол ойролцоо учир шийдлийг нь бид олж чадах байх.

-Тэгвэл хэнийг сонгохгүй вэ?

-Пэйтон Причард. Тэр жижигхэн. Хэтэрхий жижиг учраас түүнийг сонгохгүй.

-Та сагсан бөмбөгөөр хичээллэж байгаа Монголын өсвөр насны хүүхдүүдэд зөвлөгөө өгөөч?

-Том мөрөөд. Шаргуу хөдөлмөрлө. Тэгвэл боломжгүй зүйл гэж байхгүй.

Эх сурвалж: www.polit.mn