Б.ОД

Нийслэлийн төрийн өмчит цэцэрлэгийн бага бүлгийн бүртгэл, энэ сарын 18-нд эхлэх гэж байна. Бүртгэлийг www.parent.edu.mn цахим систем болон ESIS мобайл аппликэйшнээр зохион байгуулах юм. Энэ удаа 2019 оны нэгдүгээр сарын 1-ний өдрөөс 2019 оны 12 дугаар сарын 31-ний өдрийн хооронд төрсөн буюу гурван настай хүүхдийг бүртгэнэ.

Бүртгэл хоёрдугаар сарын 18-ны өдрийн 09:00 цагт эхэлж, хоёрдугаар сарын 24-ний өдрийн 17:59 цагт дуусна.

Цахим элсэлтийн үйл ажиллагааг хоёрдугаар сарын 25-ны 09:00 цагт эцэг эхчүүдэд нээлттэйгээр зохион байгуулна. Элсэлтийн мэдээлэл асран хамгаалагчийн бүртгүүлсэн дугаарт мессежээр очих юм байна. Эцэг эх, асран хамгаалагч нь цахимаар бүртгүүлэх боломжгүй бол өөрийн биеэр харьяа дүүргийн Боловсролын хэлтэс болон хамран сургах тойргийн цэцэрлэг дээрээ очиж дэмжлэг авах боломжтой.

Цэцэрлэгийн элсэлттэй холбоотой мэдээллийг elselt@edu.mn имэйл хаяг болон 75778080 дугаарын утсаар 08:30-17:30 цагт холбогдож авч болно гэж нийслэлийн Боловсролын газраас мэдээллээ.

Эх сурвалж:www.polit.mn