Ч.ГАНТУЛГА

"Ахиллис Хүүхэд” төслөөс санаачилсан “Бидний гэрэлт өдрүүд” номын нээлт өчигдөр боллоо. Номд өөрийгөө дайчлан бэрхшээлээ даван туулж буй хүмүүсийн тухай түүхийг эмхтгэжээ. Тус төсөл нь хөгжлийн бэрхшээлтэй хүүхдүүд рүү чиглэсэн хүмүүнлэгийн болон сургалтын олон ажлыг хийдэг юм. Хүмүүсийн дунд хөгжлийн бэрхшээлтэй хүүхдүүдийн талаарх ойлголт, мэдлэг хомс байдаг. Тэднийг гайхах, нийтийн өмнө өөрийгөө илэрхийлэх боломжийг нь илт үгүйсгэх, нийгмээс тусгаарлах байдлаар хүмүүс ханддаг нь нууц биш. Тухайн хүүхдийн бие махбодид илэрдэг эмгэгийг  хүний бүх зүйлтэй нь холбох, угаасаа чадахгүй, боломжгүй гэж өмнөөс нь дүгнэх хандлага нийтлэг тохиолддог. Тиймээс эдгээр хүмүүсийн өөрийгөө ялан дийлсэн түүхийг хуваалцаж, бусдад урам зориг өгөхөөр  “Бидний гэрэлт өдрүүд” номыг эмхтгэн гаргасан юм байна. Номыг “Ножо” хэвлэлийн газар эмхтгэж, Канад сангийн хамт олон дэмжиж ажилласан юм. Энэхүү номыг уншсанаар “Хөгжлийн бэрхшээлтэй эсвэл өөртөө сэтгэл дундуур яваа хэн бүхэн урам зориг авна” гэж “Achilles internation Mongol”-ийн захирал О.Саранчулуун онцолж байв. “Бидний гэрэлт ирээдүй” номыг худалдаалахгүй бөгөөд номын сангуудаар тараах юм байна. 

Эх сурвалж: www.polit.mn