С.САРУУЛ

УОК-оос Монголчуудыг гэр гэртээ шинэлэхийг уриалаад байв. Тэгвэл сар шинийн өдрүүдэд коронавирусийн халдварын тархалт айхтар нэмэгдээгүй ч шинийн хоёрон, гурванд хөдөө орон нутагт нэмэгджээ. Мөн нас баралт буурсангүй.

Тодруулбал, Хоёрдугаар сарын 3-н буюу шинийн 2-нд 694 тохиолдол батлагдсанаас орон нутагт бараг тал хувь нь илэрсэн байна. Гэтэл шинийн гурванд 425 тохиолдол батлагдсанаас 157 нь нийслэлд 269 нь хөдөө батлагдаж орон нутагт халдварын тохиолдол давсан юм. Халдварын тохиолдол Орхон аймагт хамгийн олон 65, Баян-Өлгий аймагт 55 бүртгэгджээ. Өмнөговьд 43, Дундговьд 22 тохиолдол батлагдсан бол Хэнтий аймагт найман тохиолдол илэрчээ. Хоёрдугаар сарын 3-ны байдлаар орон нутагт халдварын тархалт Улаанбаатарынхаас бага байв. Тодруулбал, Орхон, Хэнтий аймагт 0 байсан ч сар шинийн ид золголтын үеэр хөдөөд халдварын тохиолдол эрс нэмэгдсэн байна.

Харин амралтын өдөр 570 тохиолдол батлагдсанаас хотод 366 нийслэлд 204 байна. Бямба гарагт 637 нь нас баралт гурав  бүртгэгдлээ.  Өнөөдрийн байдлаар COVID-19 халдварын улмаас нийтдээ 2052 хүн эндээд байна. Одоогоор коронавируст халдварын улмаас улсын хэмжээнд 5873 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 28970 хүн Өрхийн эмчийн хяналт дор гэрээр эмчлүүлж байгаа аж.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

Хөнгөн - 1,555

Хүндэвтэр - 3,675

Хүнд - 574

Маш хүнд - 69 хүн байна.

Эх сурвалж: www.polit.mn