З.БАТЦЭЦЭГ
Сөрөг хүчний "Батькивщина" нам Украины эдийн засгийн хямралыг даван туулахын тулд тус улсад үндэсний эв нэгдлийн Засгийн газар байгуулахыг санал болгож байна гэж намын дарга Юлия Тимошенко мэдэгдэв. Тэрбээр "Манай баг үндэсний эв нэгдлийн Засгийн газар байгуулж, хямралыг даван туулах тусгай хөтөлбөр боловсруулж, парламент болон ерөнхийлөгчтэй системчилсэн зөвлөлдөх ажлыг эхлүүлэхийг шаардаж байна" гэж бүлгийн дарга нарын эвлэрлийн зөвлөлийн хуралдааны үеэр хэлэв. Украины парламент өмнө нь 2022 оны улсын төсвийг ДНБ-ийн 3.5 хувь, инфляци 6.2 хувьтай тэнцэх алдагдалтай баталсан. Энэ жилийн хувьд хөдөлмөрийн хөлсний доод хэмжээ 244 орчим ам.доллар, дундаж нь 590 орчим ам.доллар байхаар төсөвлөжээ.
Эх сурвалж: “Зууны мэдээ” сонин
2022 ОНЫ НЭГДҮГЭЭР САРЫН 26. ЛХАГВА ГАРАГ. № 19 (6751)