Ч.ЗОТОЛ

ЭМЯ-ны ээлжит  мэдээллийн үеэр Тархвар судлаач, Эрүүл мэндийн сайдын зөвлөх, доктор А.Амбасэлмаа олон нийтэд хандан зөвлөгөө өгөв. Тэрбээр “ Дэлхийн эрүүл мэндийн зургаан бүс нутаг 149 улсад Омикрон хувилбар бүртгэгдээд байна. ДЭМБ-ын Омикрон хувилбарт хийсэн эрсдэлийн үнэлгээгээр өндөр  гарсан. Манай улсад бүртэгдэж байгаа  тохиолдол  нь өдөрт 2-3 дахин  нэмэгдэж байна. Халдвар ихэссэн нь эмч, эмнэлгийн байгууллагын ачааллыг нэмэгдүүллээ. Бусад улс орон болон Монголын халдварын тохиолдлуудыг харахад, эмзэг бүлэг буюу архаг хууч өвчтэй, настай иргэд илүүтэй хүндэрч байгаа. Халдварын нууц үе өмнөх хувилбаруудаас богино буюу 2-3 хоног байна. Иймд  халдварын нууц үе богино болон халдварын тархалт өндөр байх тусам олон хүнийг нэг зэрэг өвчлүүлэх эрсдэлтэй. Хэрэв амьсгалын дээд замын халдварын үеийн шинж тэмдэг илэрсэн тохиолдолд иргэн өөртөө хяналт тавих хэрэгтэй. Цээжээр хөндүүрлэх, ханиалгах, ухаан балартаж эхэлбэл халдвар хүндрэх эрсдэлтэй болж байна гэж ойлгох хэрэгтэй. Халдварын тархалтад нөлөөлж буй гол хүчин зүйл бол нууц үе богино хугацаатай дэгдэлтийн үед шинж тэмдэггүй хөнгөн байдлаар өвчлөх нь 30 гаруй  хувийг эзэлдэг учир ойрхон хамт байгаа ямар ч хүнээс халдвар авах боломжтой.

Коронавируст халдварын үед сэрэмжлүүлэх хоёр үндсэн арга хэмжээ бий. Нэгдүгээрт, хувь хүнд чиглэсэн арга хэмжээ бөгөөд халдвартай хүнтэй хавьтал болж шинж тэмдэг илэрсэн тохиолдолд нөхцөл байдалтайгаа уялдуулан өөрийгөө тусгаарлаж, харъяа эрүүл мэндийн байгууллагадаа мэдэгдэх нь зүйтэй. Хоёрдугаарт, олон нийтэд чиглэсэн арга хэмжээ авах. Энэ нь халдвар авсан иргэний ар гэр, албан байгууллага, хамт үйл ажиллагаанд оролцсон хамт байсан хүмүүсийн хэрэгжүүлэх арга хэмжээ юм” гэлээ.

Эх сурвалж: www.polit.mn