Олон улсын хараат бус байгууллага болох Хил хязгааргүй сурвалжлагчид (RSF) байгууллагаас БНХАУ-д 2022 оны хоёрдугаар сарын 4-20-ны өдрүүдэд болох  24 дэх удаагийн өвлийн олимпийн наадмын үеэр ажиллах сэтгүүлч, хэвлэл мэдээллийн байгууллагуудын төлөөлөгчдөд Хятадад хүний эрх, хэвлэлийн эрх чөлөөний зөрчил гамшгийн хэмжээнд хүрч байгааг санаандаа авахыг уриалсан захидал гаргасан байна.

RSF захидалдаа “Хил хязгааргүй сурвалжлагчид (RSF) энэхүү олон улсын арга хэмжээг мэдээлж сурвалжлахдаа Хятадад хүний эрхийн асар их зөрчил, тэр дундаа хэвлэлийн эрх чөлөөний зөрчил гамшгийн хэмжээнд хүрч байгааг санаандаа авахыг уриалж байна. Хятад дэлхийд хамгийн олон буюу 128 сэтгүүлчийг цагдан хорьж байгаа улс болсон ба RSF-ийн дэлхийн хэвлэлийн эрх чөлөөний индексээр <https://rsf.org/en/ranking> 180 орноос 177-д, Хойд Солонгосоос хоёрхон байрын өмнө жагсаж байна

Манай саяхан нийтлэгдсэн “Хятад дахь сэтгүүл зүйн огцом ухралт” тайланд дурдсанаар Ши Жиньпин тэргүүтэй Хятад улсад мэдээллийг чөлөөтэй олж авах нь гэмт хэрэгт тооцогддог <https://rsf.org/en/reports/unprecedented-rsf-investigation-great-leap-backwards-journalism-china>.

Сэтгүүлчид тус дэглэмийн болзошгүй заль мэх, мөрдөн тагнах ажиллагаа, дарамт шахалтаас зайлсхийхийн тулд хянуур байх шаардлагатай <https://rsf.org/en/news/beijing-winter-olympics-rsf-urges-press-protect-themselves-against-surveillance>.

Энэхүү захиаг өөрийн байгууллага, хамт олон, сүлжээгээр аль болох өргөнөөр тараавал бид талархах болно.

Танд илүү дэлгэрэнгүй мэдээлэл шаардагдах эсвэл хамтран ажиллахыг хүсвэл надтай хүссэн цагтаа ч утсаар холбогдож болно” гэсэн байна.

ХИЛ ХЯЗГААРГҮЙ СУРВАЛЖЛАГЧИД / REPORTERS SANS FRONTIÈRES / REPORTERS WITHOUT BORDERS / 無國界記者  / 국경없는기자회 / 国境なき記者組織 (RSF)
Седрик Алвиани / Cédric Alviani / 艾瑋昂 / 세드릭 알비아니 / セトリック・アルビアニ
Тайпэй дэх товчооны захирал (Зүүн Ази) / Directeur du bureau de Taipei (Asie de l'est) / Taipei Bureau Director (East Asia) / 台北辦事處執行長 (東亞) / 국경없는기자회 대만사무소 대표(동아시아) / 国境なき記者組織、台北事務局、取締役局長（東アジア）
---
CS 90247 75083 Paris Cedex 02
www.rsf.org  <http://www.rsf.org/>