Б.БЯМБАЖАРГАЛ

Самбалхүндэвийн оршуулгын газрыг шинэчлэн тохижуулж, “Дурсгалын цэцэрлэгт хүрээлэн, оршуулгын үйлчилгээний нэгдсэн төв” байгуулахаар төлөвлөжээ. Тухайлбал, Самбалхүндэвийн оршуулгын газар буюу олон нийтийн хэлж заншсанаар Далан давхрын оршуулгын газрын 10 га талбайд хүндэтгэлийн цэцэрлэгт хүрээлэн байгуулах төслийг Улаанбаатар хотын Захирагчийн ажлын алба, “Нью семетри”, “Улаанбаатар буян” компани хамтран хэрэгжүүлэх аж.

Цэцэрлэгт хүрээлэн байгуулах талбайд орсон шарилыг нүүлгэн шилжүүлэхээр талийгаачийн ар гэрийнхэнтэй холбогдон, санал хүсэлтийг хүлээн авахаар ажиллаж байгаа талаар НЗДТГ-аас мэдээллээ. Ар гэртэй нь холбоо тогтоосны дараа шарилыг нэгдсэн журмаар газраас гаргаж, чандарлан Дурсгал, хүндэтгэлийн цэцэрлэгт хүрээлэн байгуулагдах хүртэл “Улаанбаатар буян” компанийн Баруун болон Зүүн буяны төв цогцолборт түр хадгалахаар төлөвлөжээ.

“Дурсгалын цэцэрлэгт хүрээлэн, оршуулгын үйлчилгээний нэгдсэн төв” төслийн хүрээнд оршуулгын мэдээлэл үйлчилгээний нэгдсэн төв, эмгэг судлалын төв, салах ёслолын өргөө, буяны сүмийг байгаалах юм байна. Мөн цэцэрлэгт хүрээлэн байгуулах хэсэгт ойр, дотнын хүнээ оршуулсан бол 7210-0101  лавлах дугаар, www.sambalkhundev.mn сайтад хандан төслийн мэдээлэл, чөлөөлөлтийн талбайд орсон нэрийг хайлтын хэсгээс шүүх боломжтой.

эх сурвалж: www.polit.mn