З.ЦЭЦЭГ

Тус эвсэлтэй хамтран ажиллахад энх тайвны нийтлэг үнэт зүйл- болох ардчилал, хууль дээдлэх ёс, хүний ​​эрхэд суурилдаг гэж Батмөнхийн Батцэцэг хэллээ.

Монгол Улс ба НАТО-гийн хамтын ажиллагаа нь энх тайвны нийтлэг үнэт зүйлд суурилсан бөгөөд аль нэг улсын эсрэг чиглээгүй. Энэ тухай Монгол Улсын Гадаад харилцааны сайд Батмөнхийн Батцэцэг лхагва гаригт хэвлэгдсэн “Известия” сонинд өгсөн ярилцлагадаа дурджээ. 

"НАТО-той бидний хамтын ажиллагаа нь энх тайвны нийтлэг үнэт зүйл- болох ардчилал, хууль дээдлэх ёс ба хүний ​​эрх, аюулгүй байдал дээр суурилдаг бөгөөд энэ нь Монгол Улсын олон талт гадаад бодлогын зорилгод бүрэн нийцдэг. Өөрөөр хэлбэл Монгол, НАТО-гийн хамтын ажиллагаа аль нэг улсын эсрэг чиглээгүй гэдгийг онцлон хэлмээр байна”  ГХЯ-ны тэргүүн тэмдэглэв.

Түүний хэлснээр, 2012 онд тус улс нь НАТО-той түншлэл, хамтын ажиллагааны бие даасан хөтөлбөрийг баталсан. Ийнхүү Монгол Улс Хойд Атлантын эвслийн түнш орон болсон.

“Монгол Улсын НАТО-той түншлэл, хамтын ажиллагааны бие даасан хөтөлбөр нь улс төрийн яриа хэлэлцээ, оролцогчдын боловсрол, чадавхийг бэхжүүлэх, энхийг сахиулах үйл ажиллагаа явуулах, аюулгүй байдлын шинэ сорилтуудыг даван туулахад чиглэнэ" гэж тэр хэллээ. Тэрээр “Тухайн үед Орос, НАТО идэвхтэй хамтран ажиллаж, тэр дундаа терроризмтой тэмцэх хамтарсан сургуулилт хийж байсан” гэж онцолжээ.

Эх сурвалж: www.tass.ru