Б.ОД

Улаанбаатар хотын Захирагчийн ажлын албанаас Нийслэлийн нутаг дэвсгэрт шинээр байгуулах нийтийн бие засах газрын концепц, загвар зураг төсөл боловсруулах уралдааныг зарлаад байна. Шилдэг бүтээлийг тус бүрээр шалгаруулж бүтээл бүрт гурван сая төгрөг буюу нийт 15 сая төгрөгийн шагналын сантай юм

Концепц, загвар зураг төслийг дараах таван байршилд байрлуулахаар төлөвлөж байна.

1. Үндэсний цэцэрлэгт хүрээлэн болон иргэдийн чөлөөт цагаа өнгөрүүлдэг иж бүрэн тохижилт бүхий амралтын талбайд байгуулах нийтийн бие засах газрын загвар
2. Туул, Сэлбэ гол дагуу байгуулах нийтийн бие засах газрын загвар
3. Автобусны дундын болон эцсийн буудлуудад байгуулах нийтийн бие засах газрын загвар
4. Хотоос гарах авто тээврийн шалган нэвтрүүлэх товчоодод байгуулах нийтийн бие засах газрын загвар
5. Гэр хороолол, зуслан ногоон бүсийн айл өрхүүдэд зориулсан дундын бие засах газрын загвар

Уралдаанд нэг оролцогч хэдэн ч бүтээл ирүүлэх боломжтой. Уралдаанд оролцох материалыг энэ сарын 24-ний өдрийн 10:00-16:00 цагийн хооронд Улаанбаатар хот 15160, Чингэлтэй дүүрэг, Ц.Жигжиджавын гудамж-7/1, Нийслэлийн Засаг захиргааны II байр, Хангарди ордон, 6 давхрын 609 тоот хаягаар хүлээн авна.

Уралдаантай холбоотой дэлгэрэнгүй мэдээллийг  11-315333 утсаар болон www.ubservice.ub.gov.mn сайтаас тодруулна уу.

Эх сурвалж:www.polit.mn