Б.ОД

МАН-ын 30 дугаар их хурлын үеэр Эрчим хүчний яамнаас хийж хэрэгжүүлэх ажлын төлөвлөгөөг Эрчим хүчний сайд Н.Тавинбэх танилцууллаа.

Тэрбээр “Цахилгаан дулааны эрчим хүчний хэрэглээг хангах зорилгоор шинэ эх үүсвэрүүдийг яаралтай нэмэгдүүлэх шаардлагатай байна. Өнөөдрийн нөөц бол өсөн нэмэгдэх цаашдын хэрэгцээг хангахад хангалттай биш байна. Тиймээс эдийн засгийг сэргээхийн тулд дулаан цахилгааны шинэ эх үүсвэрүүдийг нэмэх шаардлагатай. Шинээр 16 эх үүсвэрийг барьж ашиглалтад оруулахаар төлөвлөсөн. Эхнийх нь хүчин чадлыг нэмэгдүүлэх, хоёрдугаарт, хатуу түлшээр ажилладаг дулаан, цахилгааны эх үүсвэрийг шинээр барих, гуравдугаарт сэргээгдэх эрчим хүчийг ашиглахаар төлөвлөсөн. Эрдэнэбүрэнгийн усан цахилгаан станцыг Ховд гол дээр барина. Ингэснээр баруун таван аймгийг цахилгаанаар хангах боломжтой болно. Мөн Тавантолгой нүүрсний уурхайг түшиглэж 450 мКв цахилгаан станц барихаар хөтөлбөрт тусгасан. Ингэснээр улсын төсвийн тодорхой хувийг бүрдүүлэгч Оюутолгойг цахилгаан эрчим хүчээр хангах боломжтой гэсэн үг” гэв.

Эх сурвалж:www.polit.mn