Б.ОД
МҮХАҮТ-ын дэргэдэх Бизнес академиас зохион байгуулж буй “EXECUTIVE SUMMIT 2021” хэлэлцүүлэг хоёр дахь жилдээ маргааш Шангри-Ла зочид буудалд болох гэж байна.
Энэ удаагийн “EXECUTIVE SUMMIT 2021” хэлэлцүүлэг “Их сэргэлт” санаачилгыг онцолсон бөгөөд 1000 чадварлаг CEO болон 1000 амжилттай компанийг бий болгох зорилгын хүрээнд хэрэгжиж байгаа юм.
Хэлэлцүүлгийн эхэнд “Бидний хүч буюу аливаа хүндрэл, хямралыг хэрхэн хамтын хүчээр давах тухай” Нью-Йоркийн их сургуулийн профессор Жэй Ван Бавелийн хамгийн сүүлийн үеийн судалгааг танилцуулах юм. Хэлэлцүүлэгт МҮХАҮТ-ын гишүүн болон бусад компаниудын 200 гүйцэтгэх дээд удирдлага оролцохоор бүртгүүлжээ.
Гүйцэтгэх захирлууд тогтвортой хөгжлийн стратегид төвлөрөх нь, үүлэн технологи руу шилжих, зорилготой удирдах, маргаашийн авьяасыг торниулах нь, хурдтай сэргэх нь зэрэг агуулгын хүрээнд хэлэлцэнэ.
Хэлэлцүүлэг болгон өөр өөрсдийн онцлогт нийцсэн асуудлыг хөндөж байгаагаараа онцлог. Тухайлбал, хүний нөөц хариуцсан захирлуудын хэлэлцүүлгийн үеэр ажил амьдралын тэнцвэрт байдал, шинэ эринд авьяасыг удирдах нь зэрэг сонирхолтой сэдвээр ярилцах юм.
Эх сурвалж:www.polit.mn