Б.ОД

Яармагийн зам дагуу бохирын ус халин гарч хөлдсөнөөр зам дээр мөсөн давхарга үүссэн тул иргэдийг автомашины хурдаа тохируулж аюулгүй байдлаа хангахыг анхааруулав. Учир нь Тээврийн цагдаагийн албаны жижүүрийн шуурхай удирдлагын хэлтэст энэ оны аравдугаар сард Яармаг орчимд 13 осол, арваннэгдүгээр сард 11 осол бүртгэгджээ.

Энэ талаар Тээврийн цагдаагийн албаны урьдчилан сэргийлэх хэлтсийн ахлах мэргэжилтэн Г.Отгонтамир "Яармаг орчимд замын хөдөлгөөний удааширч, түгжрэл үүслээ. Учир нь гурван эгнээ замын хоёр эгнээгээр нэг сар орчим ус урсаж байна. Байгууллагын зүгээс үүссэн асуудлыг засна гэсэн. Замын хөдөлгөөний аюулгүй байдлын тухай хуулийн дагуу холбогдох газарт арга хэмжээ тооцно. Худгаас дахиад ус алдах эрсдэлтэй. Хан-Уул дүүргийн замын цагдаагийн хэлтсээс хотын шуурхай албанд удаа дараа мэдэгдээд хөдөлгөөний аюулгүй байдлыг хангах чиглэлээр давс, бодис цацуулж байна. Гэсэн хэдий ч эргээд халтиргаа үүссээр байна.Өдрийн цагт энэ хэсэгт бодис цацаад халтиргаа багасна. Тиймээс энэ хэсэг орчмоор явж байгаа жолооч нар оройн цагаар хурдаа тааруулж явах хэрэгтэй” гэв.

Эх сурвалж:www.polit.mn