Б.БЯМБАЖАРГАЛ

Хүүхдйн эрх, хамгааллын тухай хууль тогтоомжийн үнэлгээ, хамгааллын үйлчилгээ, санхүүжилтийн шинэчлэлийн хэлэлцүүлэг өрнөв. Тодруулбал, ХНХЯ-наас гэр бүл, хүүхэд хамгаалал, нийгмийн ажил үйлчилгээний эрх зүйн орчин, үйлчилгээний санхүүжилтийн шинэчлэлийн хүрээнд хийгдэж буй бодлого, арга хэмжээний талаар танилцуулах цогц сургалтыг зохион байгуулж байна. Сургалтаар ирэх оны Төсвийн хуулийг дагаж, Хүүхэд хамгааллын тухай хуульд нэмэлт өөрчлөлт оруулж, хүүхэд хамгааллын үйлчилгээний зардлыг тооцох зохицуулалттай болсонтой холбогдуулан хуулийн нэмэлт өөрчлөлт, журмын төслийг танилцуулав. Тухайлбал, Хүүхдийн эрхийн тухай, Хүүхэд хамгааллын тухай хуулийн хэрэгжилтийн үнэлгээний тайлан, зөвлөмж, Хүүхэд хамгааллын тухай хуулийн шинэчилсэн найруулгын төсөл, Хамтарсан багийн ажиллах, үйл ажиллагааг санхүүжүүлэх журмын шинэчлэлийн төслийн танилцууллаа. Сургалтад 21 аймаг, есөн дүүргийн Гэр бүл, хүүхэд, залуучуудын газар, хэлтсийн мэргэжилтэн,  нийгмийн ажилтнууд оролцож байгаа аж.  

Эх сурвалж: www.polit.mn