Б.ОД

Нийслэлийн Эрүүл мэндийн газрын дарга Б.Бямбадорж коронавирусын эсрэг вакцины нэмэлт тунгийн хамрагдалтын явцын талаар мэдээлэл өглөө.

 Тэрбээр "Нийслэлийн хэмжээнд 45 дахь долоо хоног буюу өнгөрсөн долоо хоногт халдварын тархалт буурч, өдөртөө 1191 батлагдсан тохиолдол бүртгэгдэж байна. Эмнэлэгт хэвтэгсэд болон гэрээр эмчлүүлэгсдийн тоо, хүнд болон хүндэвтэр хүмүүсийн тоо ч мөн буурч байгаа.Орны эргэлтээс харахад эмнэлгээс гарч буй иргэдийн тоо хэвтэж буй иргэдээсээ олон болж байна. Өдөртөө 700 гаруй хүн хэвтэн эмчлүүлж байгаа. Нэмэлт тунд оюутан залуус болон соёл урлаг, хүнс үйлдвэрлэлийн  байгууллагынхан идэвхтэй оролцож байна.  Одоогоор 22 их, дээд сургуулийн 2881 оюутан, 87 байгууллагын 8597 хүн нэмэлт тун вакциндаа хамрагдсан байна. Вакцинжуулалтын багийнхан гэрийн асаргааны 1139 хүнийг дархлаажуулсан" гэв.

Нийслэлийн нийт хүн амын 71 хувь нь бүрэн тунд хамрагдаж, нэмэлт буюу бүүстер тунд 262284 хүн хамрагджээ. Тээврийн цагдаагийн албаны нийт алба  хаагчдын 91 хувь, Онцгой байдлын албаны ажилтан, алба хаагчдын 84.5 хувь нь нэмэлт тунд хамрагдаад байгаа юм.  

 Эх сурвалж:www.polit.mn