Д.ДАРАМБАЗАР
Ази тивийн 23 хүртлэх насны хөлбөмбөгийн цомын аварга шалгаруулах тэмцээний урьдчилсан шатанд өрсөлдөх Малайзын шигшээ баг Улаанбаатарт ирж, бэлтгэлдээ гарсан байна. Тэдний хувьд нэг хэсэгт бичигдсэн Тайландын багтай тоглохдоо 9:0-ээр хожигдож, хамгийн том ялагдлаа хүлээж байсан.
Мөн Азийн хөл бөмбөгийн холбоо/AFC/-ны тоглолт зохион байгуулагч нар Улаанбаатарын хөл бөмбөгийн цэнгэлдэхийн нөхцөл байдалтай танилцсан байна. Монголын хөлбөмбөгийн холбооны хүлээн авч буй энэ удаагийн олон улсын тоглолтууд нь халдвар хамгааллын дэглэмийг чанад сахин, "хөөсөн" систем дор явагдаж байгаа гэдгээрээ онцлогтой. Азийн хөл бөмбөгийн холбооноос томилогдсон тоглолт зохион байгуулагч нарын хувьд ч мөн үүнд гол анхаарлаа хандуулан шалгалтаа хийсэн байна.
Эх сурвалж:www.polit.mn