Д.ДАРАМБАЗАР
Монголын хөлбөмбөгийн холбооны эмэгтэйчүүдийн лиг үргэлжилж, шилдгүүдээ шалгаруулаа.
Энэ лигт анх удаа 12 баг оролцсон юм. Аваргын цомыг "UBC FC" хэмээх шинэхэн байгуулагдсан клуб хүртлээ. Багийн нэр шинэ боловч тамирчид өнгөрсөн жилийн лигт түрүүлсэн, эмэгтэйчүүдийн шигшээ багт дуудагддаг чадварлаг тоглогчид юм.
Харин аваргуудтай эцсийн мөч хүртэл хүч үзсэн "Арвис" клуб мөнгөн медаль хүртсэн бол "Монголын тэмүүлэл" клубийн охид хүрэл медалийн эзэд болсон юм.
Аваргын цомыг өргөсөн "UBC FC"-ээс хаалгач Э.Цэнджав, хагас хамгаалагч М.Хулангоо нар тус тусын байрлалдаа шилдэг нь боллоо. Шилдэг хаалгач болсон Э.Цэнджав 11 тоглолтод ганцхан гоол алдсан амжилттай лигийг өндөрлүүлсэн юм. Мөн мөнгөн медаль хүртсэн "Арвис" клубийн ахлагч А.Алтантуяа шилдэг хамгаалагч, 25 гоол оруулсан Ө.Ундрах шилдэг довтлогчийн шагналын эзэн боллоо. Шилдэг шүүгчээр Б.Логьшир тодорсон юм. Түүний хувь энэ улиралд I лигийн шилдэг туслах шүүгч болоод байсан юм. Цар тахлын нөхцөл байдлаас үүдэн сүүлийн хоёр жилийн хугацаанд эмэгтэйүүдийн лигийн тоглолтууд үзэгчгүй зохиогдсон билээ.
Эх сурвалж:www.polit.mn