Д.ДАРАМБАЗАР

Ардын хувьсгалын 100 жилийн ойг тэмдэглэн өнгөрүүлэх арга хэмжээний хүрээнд Соёлын яамны ивээл дор “UB ART FESTIVAL 2021" олон улсын дүрслэх урлагийн II наадам үргэлжилж байна. Нийгмийг соён гэгээрүүлэх үйлст дүрслэх урлагийн нөлөөллийг нэмэгдүүлэх зорилгоор Улаанбаатар хотноо зохион байгуулж буй дээрх фестивалийн хүрээнд Үндэсний соёл, амралтын хүрээлэнд “Контемпорари урлагийн үзэсгэлэн” болон “Сийлбэр симпозиум” фестивалийн нээлт боллоо. Фестивалийг Соёлын яамны Урлаг уран бүтээлийн газрын дарга Б.Сэргэлэн нээж, үйл ажиллагаа нь “Digital Nation-21” арга хэмжээтэй уялдан Монголын дүрслэх урлагийн өнөөгийн чиг хандлага, орчин үеийн урлагийн хөгжлийн явц, хувьслыг таниулах, сурталчлах, нийгмийг соён гэгээрүүлэхэд дүрслэх урлагийн нөлөөллийг нэмэгдүүлэх зэрэг тал бүрийн ач холбогдолтой” талаар онцоллоо. Үзэсгэлэнг энэ сарын 26-ны өдрийг хүртэл Үндэсний соёл, амралтын хүрээлэнд үнэ төлбөргүй дэлгэх юм.

Эх сурвалж:wwww.polit.mn