Б.ОД

Сургууль, цэцэрлэгийн үйл ажиллагаанд мөрдөгдөх дүрэм, журмыг Эрүүл мэндийн яамны хэлтсийн дарга Д.Баярболд өнөөдөр танилцууллаа.

 Тэрбээр "Эрүүл мэндийн сайд болон Боловсрол, шинжлэх ухааны сайдын хамтарсан тушаалаар өчигдөр хоёр журам батлагдсан. Энэ журмаар Бүх нийтийн болон Өндөржүүлсэн бэлэн байдлын зэргийн үед 4-5 настай хүүхдийн бүлгийг ажиллуулах, анги дүүргэлтийн хувьд  нэг хүүхдэд 1.5 ам метрээс доошгүй талбай ногдох буюу нэг ангид 15-25 хүүхэд хичээллэнэ.Мөн сургалтыг холимог буюу цахим, танхимын хичээлээр явуулах тул эцэг эхчүүд хүүхдээ цэцэрлэгт өөрсдийн сонголтоор явуулна.Түүнээс гадна, цэцэрлэг болон ЕБС-ийн сурагчдыг амны хаалтаа авах, хоорондоо хэт ойр байх нөхцөлийг бүрдүүлэхүйц хичээл буюу биеийн тамир, дуу хөгжмийн хичээлийг зөвхөн онолын хэлбэрээр зохион байгуулахаар болсон. Тодруулбал, хичээл дээр хүүхэд гүйж, дуу дуулахгүй гэсэн үг.ЕБС-ийн сурагчид 5/9-ийн зарчмаар хичээллэнэ. Мөн хүн амын дунд зонхилон тархсан вирусын хувилбараас хамаарч 4/10 гэсэн зарчмаар хичээллүүлэх юм.Сургалтыг мөн холимог хэлбэрээр явуулах бөгөөд анги дүүргэлт 20 хүртэл хүүхэдтэй бол хэвийн явуулна. Харин 20-оос дээш хүүхэдтэй бол нэг ангид заавал 20 хүртэл хүүхэдтэй байхаар зохицуулна" гэв.

Эх сурвалж:www.polit.mn