Т.САЙХАН

Нийслэлд “Төр хувийн хэвшлийн түншлэл”-ийн хүрээнд хэрэгжүүлж буй түрээсийн дугуйн Ubike төсөл 2021 оны намрын улирлын нээлтээ хийлээ. 

UBIKE дугуйн хуваалцлын системийн хүрээнд энэ жил 21 байршилд 100 гаруй дугуйг үйлчилгээнд гаргаж буй бөгөөд, нийслэлд байгаа болон шинээр баригдаж буй дугуйн замын трассуудтай түрээсийн үйлчилгээгээ холбоод байна. 

Ubike төсөл 2021 оны намрын улирлын нээлтийн хүрээнд өчигдөр олон нийтийн түрээсийн унадаг дугуйн системийн танилцуулгыг хийж, системд хэрхэн бүртгүүлж түрээсийн дугуй хэрэглэх талаарх заавар мэдээллийг өглөө.

Нийслэлийг 2021-2025 онд хөгжүүлэх таван жилийн үндсэн чиглэлд авто зам, дугуйн зам, явган хүний замын нөхцлийг сайжруулах, гол болон туслах гудамж, гэр хорооллын доторх замыг өргөтгөх ажлыг тусгасан байдаг. Энэ хүрээнд нийслэлийн төсвийн хөрөнгө оруулалтаар зургаан байршилд нийт 16.34 км дугуйн зам тавих ажил үргэлжилж байна. 

Эх сурвалж:www.polit.mn