Т.САЙХАН
"Токио 2020" зуны олимпоос мөнгөн медаль хүртсэн Монгол Улсын тамирчин Саид Моллайтай нэгэн сайтад ярилцлага өгчээ. Энэ үеэрээ тэрбээр Монгол Улсын Засгийн газарт гомдолтой байгаагаа илэрхийлжээ.
Тэрбээр хэлэхдээ "Намайг орон сууц, их хэмжээний мөнгөөр шагнуулсан гэх маш олон худал мэдээлэл гарсан. Үнэндээ би ямар ч орон сууц аваагүй. Ц.Цогтбаатар, М.Уранцэцэг нар байраар шагнуулсан. Тэд хүрэл медаль хүртсэн. Харин би Монгол Улсын нэрийн өмнөөс мөнгөн медаль хүртсэн мөртлөө надад юу ч өгөөгүйд гомдож байна. Монголд ирсний дараа надад маш олон хүн баяр хүргэсэн. Би үүнд баяртай байдаг. Гэхдээ Монголд ирээд 10 хоносон ч Засгийн газар болон МҮОХ-ноос хэн ч ирж уулзаагүй, ямар нэгэн хүлээн авалт, ёслолын арга хэмжээ зохион байгуулаагүй. Би Монгол Улсын иргэн шүү дээ. Үүнд гомдож байна. Тиймдээ ч би Монголд 10 хоноод эхнэр, хүүхэд дээрээ эргэж ирсэн" гэжээ.
Эх сурвалж:www.polit.mn