Т.САЙХАН

М.Тулгат даргатай АН-аас нөхөн сонгуулийн талаар мэдээлэл хийлээ.  АН-ын дэд дарга Р.Эрдэнэбүрэн "Сонгинохайрхан дүүргийн 18 дугаар тойрогт нөхөн сонгуульд оролцох ажлын хэсэг тав хүний бүрэлдэхүүнтэй байгуулагдан ажилдаа орлоо. Хоёр зүйлд санал нэгдсэн. Эрх баригчид иргэдээ сонсохоо больсон. Тиймээс эрх баригчдад дуу хоолойгоо хүргэх үүднээс сөрөг хүчин нэгдэж, хүчтэй болох ёстой. Энэ зорилгоор АН-ын дотоод эв нэгдлээ хангаж орвол илүү үр дүнтэй. Энэ чиглэлээр  уулзалтууд зохион байгуулахаар ярьж байна. Мөн  хоёр хуваагдсан АН-ыг нэгдэхийг  бүгд шаардаж байна. Тиймээс энэ удаагийн сонгуульд нэгдэж орох уриалгыг О.Цогтгэрэл даргатай АН-д хүргүүлсэн. Яаж орохоо шийдсэний дараа нэр дэвшигчдээ тодруулна. Иймд нам доторх бусад бүлэг, хэсгүүдийг сонгуульд нэгдэж орохыг уриалж байна. Эхний ээлжид нэр дэвшигч ярихаас илүү яаж оролцох вэ гэдгийг ярих нь чухал" гэлээ. 

Эх сурвалж:www.polit.mn