С.САРУУЛ

Сүүлийн 24 цагийн хугацаанд улсын хэмжээнд коронавируст халдварыг илрүүлэх зорилгоор 7000 гаруй сорьцод шинжилгээ хийхэд 1231 хүнээс коронавирусийн халдвар илэрлээ.

Ингэснээр нийт бүртгэгдсэн тохиолдол 161,575 болж нэмэгдэв.

Шинээр илэрсэн тохиолдлууд 1,230 нь дотоодын халдвар бол нэг тохиолдол гаднаас зөөвөрлөгдсөн байна. Зөөвөрлөгдсөн тохиолдлын тухайд, долдугаар сарын 22-нд Улаанбаатар-Истанбул чиглэлийн онгоцоор ирсэн иргэд дундаас илэрсэн байна.

Дотоодын халдварыг задалбал,

496 нь нийслэлд

734 нь орон нутагт бүртгэгджээ.

Мөн хугацаанд 2157 иргэн эдгэрч, эмнэлгийн болон гэрийн ажиглалтаас гарчээ.

Харин коронавируст халдварын улмаас хэвтэн эмчлүүлж байсан 61-80 гаруй насны зургаан хүн нас барсан харамсалтай мэдээлэл байна.

Өнөөдрийн байдлаар уг өвчний хүндрэлээр нийтдээ 802 хүн эндээд байна.

Өнөөдрийн байдлаар коронавируст халдварын улмаас улсын хэмжээнд 10,379 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 10,798 хүн Өрхийн эмчийн хяналт дор гэрээр эмчлүүлж байгаа.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

Хөнгөн – 6,556

Хүндэвтэр- 2,714

Хүнд – 928

Маш хүнд - 181 хүн байна.

Эх сурвалж: www.polit.mn