Б.ОД

Архаг хууч өвчтэй хүмүүс, жирэмсэн эмэгтэйчүүд болон 16-17 насны хүүхдүүд Pfizer-BioNTech үйлдвэрийн Comirnaty вакцинд сайн дурын үндсэн дээр хамрагдаж байна. Орон нутагт архаг суурь өвчтэй хүмүүс болон жирэмсэн эмэгтэйчүүдийг тус вакцинд хамруулж эхэлсэн бол нийслэлд хүүхдүүдийг мөн дархлаажуулж эхлээд байна.

Вакцины татан авалтын тухайд "Эхний ээлжинд 180 мянга орчим тун Pfizer вакцинаар 90 мянган хүнийг дархлаажуулах боломжтой. Ойрын хугацаанд 200 мянга орчим тун вакцин татан авна. Татан авалттай уялдуулаад орон нутагт 16-17 насны хүүхдүүдэд Pfizer вакцин тарих ажлыг удахгүй эхлүүлнэ" гэдгийг ЭМЯ-ны хэвлэлийн ажилтан хэллээ. Статистик мэдээллээр Монгол Улсад 12-17 насны 292,000 хүүхэд байна. 

Харин ХӨСҮТ-ийн захирал Л.Баттөр "Pfizer вакцины үйлдвэрлэгчээс 12-15 насны хүүхдэд хийх зөвшөөрөл ирсэн. Хэдийгээр АНУ болон бусад улсад хүүхдүүдийг вакцинжуулах ажил эхэлсэн байгаа ч үйлдвэрлэгчийн зөвшөөрлийг бид заавал авах ёстой.Үүний дагуу удахгүй 12-15 насны хүүхдүүдийг ч Pfizer вакцинд хамруулах боломжтой" гэв.

Эх сурвалж:www.polit.mn