Австрийн Граз хотод тав хоногийн өмнө өндөрлөсөн Олимпийн эрх олгох тэмцээнээс Монголын эрэгтэй сагсан бөмбөгчид ганзага хоосон буцсан. Манай  эрэгтэй сагсчид хэсэгтээ Польш, Туркийн багийг хожсон ч, Чех, Бразилд хожигдон уг тэмцээний хагас шигшээд  шалгарч чадаагүй. Тус тэмцээнээс  Польш, Латви, Голландын баг Токиогийн олимпод оролцох гурван эрхийг халаасалсан. Тэгвэл энэ эрхийг халаасалсан Польшийн багийг хожсон цорын ганц баг нь Монголчууд байсан гэдгийг FIBA ( Олон улсын байгууллага) онцоллоо.
Энэ удаад  Монголын эрэгтэй сагсан бөмбөгчид ТОКИО-2020 зуны олимпийн эрх олгох  сүүлчийн тэмцээндээ оролцохоор Унгарт хүрэлцэн очоод байна.  Унгарын Дребен  хотод зохиогдох  энэхүү тэмцээнд түрүүлсэн цорын ганц багт  ТОКИО-2020 зуны олимпод оролцох  сүүлчийн " билет" шагнал болж очих юм. Нийтдээ зургаан  баг хоёр хэсэгт хуваагдан тойргоор тоглож, эхний хоёр нь хэсгээсээ хагас шигшээд шалгарна.
Хэсгээс хоёроор гарсан нь нөгөө хэсгийн нэгээр гарсантай хасагдах шатны тоглолт хийнэ. Хагас шигшээд хожсон хоёр баг финалдаж , аваргаа тодруулна.
" А" хэсэгт :
Унгар, Монгол, Румын
"Б" хэсэгт:
Украйн, Словени, Бельги хуваагдсан бөгөөд, Монголын баг эхний тоглолтоо талбайн эзэн Унгарын  багтай хийх хуваарь гарчээ.
Олимпийн эрх авах гол хоёр багт Монгол болон  Словенийн багийг нэрлэжээ. 

Эх сурвалж: control.mn