Б.ОД
Ерөнхий сайд Л.Оюун-Эрдэнэ болон албаныхан Найрамдал зуслангийн үйл ажиллагаатай танилцлаа. Энэ үеэр Найрамдал зуслангийн төлөөлөл "Өвлийн оргил ачааллын үед дөрвөн зуухаа галлахад технологийн алдагдал үргэлж гардаг. Энэ жил 70 гаруй сая төгрөгийн урсгал засвартай байгаа. Нүүрсний зардал их буюу жилд 430 гаруй сая төгрөгийн дулаалгын зардал гарч байна. Анхдагч үнээр нүүрс авах боломж алга. Уурын зуухны хувьд 2012 оноос хойш нэг ч урсгал засвар хийгээгүй. Орбитоос Найрамдал орох замын асуудал хүнд байна" гэж ярилаа.
Харин Ерөнхий сайд Л.Оюун-Эрдэнэ "Найрамдал зуслангийн эргэн тойронд дахиж газар олгохгүй байх Засгийн газрын шийдвэр гарсан. Найрамдал зусланд иж бүрэн засвар хийнэ. Энэ засварт уурын зуухны асуудал орно. Олон улсын хүүхдийн зуслан болгох ажил хийнэ" гэв.
Эх сурвалж:www.polit.mn