-Гэдэс цэвэрлэх эмийг хяаналтан дор хэрэглэнэ-

З.Батцэцэг

Цар тахлын дараа гэдэсний үйл ажиллагааг хэрхэн сайжруулах вэ? талаар aif.ru-гийн  сурвалжлагч GMS Clinics and Hospitals эмнэлгийн захирал, мэс засалч, бүдүүн шулуун гэдэс, хавдрын эмч Бадма Башанкаевтай ярилцсаныг орчуулан хүргэж байна.

-Бадма Николаевич, гэдэсний үйл ажиллагаа алдагдах гол шалтгаан юу вэ? Хөл хорионы үеэр хөдөлгөөн багассаны улмаас өтгөн хатаж болох уу?

-Гэдэсний гүрвэлзэх хөдөлгөөнд хөдөлгөөний идэвхи\ буурах нөлөөлдөг. Явган алхаа, ажил гэр хоёрын хоорондох алхалт, спортоор хичээллэх зэрэг нь буурах орно. Өтгөн хаталтын эхний шалтгаан гэртээ тогтмол хөдөлгөөнгүй байх, байнга идэх, хоолны дэглэмийн эслэг ба бусад хүнсний бүтээгдэхүүний эрүүл харьцаанд анхаарал ханудуулахгүй байх, шингэний хэрэглээ багасах зэрэг орно.

-Өтгөн хаталтын эхний шинж тэмдэгт яагаад заавал анхаарал хандуулах ёстой вэ? Өтгөн хатах, бүдүүн шулуун гэдэсний хавдар хоёр хоорондоо ямар холбоотой вэ?

-45-50 наснаас дээш гэнэт өтгөн хатах, гэдсэнд эвгүй мэдрэмж төрөх, өтгөн цустай гарвал зайлшгүй эмчид үзүүлэх шаардлагатай. Мөн уламжлалт аргаар ургамалаар гэдэс цэвэрлэж болох ч бүдүүн шулуун гэдэсний хавдрын шинж тэмдгийг бүдэг болгодог.

Гэдэс цэвэрлэх эмийг хяналтгүй хэрэглэх нь тоглоом биш. Хэрэв хяналтгүй хэрэглэвэл шингэн алдалтад хүргэж, эрдсийн тэнцвэр алдагдаж, цусан дахь кали багасаж, магни ихсэж, дотор муухайрч, бөөлжиж, хоол боловсруулах үйл ажиллагаа алдагдаж, гэдэс түгжирэх, ургамалаас харшил өгөх, байнгын үрэвслийн үед шулуун гэдэс нарийсах, бүдүүн гэдэсний бүтэц гэмтэх, дасал болох магадлалтай.

-Ургамлын гаралтай гэдэс цэвэрлэх бүтээгдэхүүн ямар аюултай вэ? Жишээ нь сенна цай?

-Үүнд тодорхой эсрэг заалт бий. Энэ цайнд харшилтай хүмүүст мөн гэдэсний түгжрэлийн шинж тэмдэгтэй, Кроны өвчтэй, бүдүүн гэдэсний шархтай бол хэрэглэхгүй. Сенна цай их ховор ч, ноцтой гаж нөлөө үзүүлдэг. Биеэн дээгүүр их загатнадаг улаан гөвдрүү гардаг.

-Өөрт тохирох гэдэс цэвэрлэх эмийг яаж сонгох вэ?

-Бүх хүнд тохирох төгс бүтээгдэхүүн гэж үгүй. 45-50 насандаа хавдраас урьдчилан сэргийлж бүдүүн гэдсээ дурандуулах хэрэгтэй. Үүний дараа тохирох эмээ хайна. Биеийн хүчний ачааллыг нэмэгдүүлж скандинав алхаа, усан сэлэлт, гүйлт, фитнесс юу ч байж болно. Эслэг ихтэй бүтээгдэхүүн хэрэглэж, уух шингэнийг 1.5-2 л болгож нэмэгдүүлнэ. Хэрвээ энэ бүгд амжилттай үр дүнд хүрэхгүй бол эмчдээ зөвлөж эм ууна.

Эх сурвалж: aif.ru