Испанийн даруухан, дундаж "Вильярил" баг Европа лигийн финалын тоглолтод алдарт “Манчестер Юнайтед”-ыг торгуулийн цохилтоор ялж, энэ цомыг түүхэндээ анх удаа өргөлөө. Багийн тоглолт гэж юу байдгийг Вильярил баг үзүүллээ гэж мэргэжилтнүүд дүгнэлээ. Эхний үеийн 29 дэх минутад Нерард Морено гоолдсоноор “Вильярил” тэргүүлж эхэлсэн. Хоёрдугаар хагасын 55 дахь минутад Кавани гоолдож харьцааг тэнцүүлсэн. Нэмэлт цаг сунгасан ч хэн нь ч гоол оруулж чадалгүй, 11 метрийн торгуулийн цохилтоор тоглолтын хувь заяаг шийдвэрлэсэн. Талбай дээр гарсан аль аль багийн 20 тоглогч бүгд алдалгүй цохиж оноог 10:10 болгож тэнцүүлснээр хоёр багийн хаалгачийн цохих ээлж ирсэн. “Вильярил”-ын хаалгач довтлогчоос дутахгүй цохиж харьцааг 11:10 болгосны зэрэгцээ өрсөлдөгч хаалгач Давид Хеагийн цохилтыг эргэн хааснаар багтаа түүхэн гавьяа байгуулав. Ийнхүү “Вильярил” багийн дасгалжуулагч Унай Эмери Европа лигийн цомыг дөрөв буюу хамгийн олон удаа өргөсөн дасгалжуулагч боллоо.
Эх сурвалж: control.mn
