Латвийн Рига хотноо үргэлжилж буй Хоккейн ДАШТ-д Оросын баг 3:0-ээр Данийн багийг хожиж, есөн оноотойгоор Словакийн ард хэсэгтээ жагсаж байна. Харин гараагаа тун тааруу эхлүүлсэн Швед, Канадын баг хэсгийн анхны хожлоо дөнгөж авцгааж, нөхцөл байдлаа үл ялиг дээшлүүллээ. Тус хэсгийг Германы баг гурван хожил, есөн оноотойгоор итгэл төгс хошуучилж байна. Хэсэгтээ эхний дөрөвд эрэмблэгдэх багууд хагас шигшээд шалгарна. Тиймээс Швед, Канадын баг үлдсэн гурван тоглолтод хожих шаардлагатай.
Тэд нэг л тоглолтод дахин бүдэрвээс ДАШТ-ийг орхиход хүрнэ.

Эх сурвалж: control.mn