Х.ОЮУНБОЛД

Eurovisión 2021 олон дууны уралдааны эхний хагас шигшээд үлдсэн оролцогчдоос ОХУ-ын дуучин Манижагийн дуулсан дууг үзэж сонирхсон хандалтаар амжилт тогтоожээ. Тэрээр “Орос эмэгтэй” дууг дуулснаар энэ олон улсын уралдааны финалд шалгарсан байна. Түүний дуулсан дууны бичлэг “YouTube” дуу хөгжмийн сувгийн энэ олон улсын дууны уралдааны сувагт тавигдсаныг 2.2 сая удаа үзсэн аж. Цахим ертөнцийн хэрэглэгчид  энэ дууны утга санаа, дуучны хувцаслалт, тоглолтын эрч хүчийг онцолжээ. Харин дуучин Манижа “Би тайзан дээр намайг дэмжин, итгэж байгаа хүмүүсийн хүндэтгэл, хайр болон би итгэдэг хүмүүсийнхээ төлөө гарсан.  Энэ тайзан дээр гарсан гурван минут нэг секунд шиг санагдсан, надад итгээрэй. Мөн секунд бүр нь өвөрмөц бас ганцхан” гэж дуулахаасаа өмнө “Спутник”-т ярьжээ. Харин олон улсын дууны уралдааны II байрт “Шум” дуугаараа Украинаас оролцсон “Go_A” хамтлаг бичлэгийг нь 1,6 сая удаа үзсэнээр шалгарсан байна. Мөн дараагийн байрыг Киприйг  төлөөлж оролцсон дуучмэ Елена Цагринугийн дуулсан “El Diablo” дуу 970000 гаруй хандалт авснаар эзэлжээ.  Энэ дууны уралдааны эхний хагас шигшээд 16 орны уран бүтээлчид оролцсоноос 10 сүүлийн шатанд оролцсон байна. Харин өнөөдөр  хоёр дахь хагас шигшээг  зохион байгуулснаар  энэ сарын 22-нд  төгсгөлийн шатанд өрсөлдөх 10 оролцогчийн хэн нь үлдэхийг шийдвэрлэх  арга хэмжээг зохион байгуулах аж. Харин нийт олон улсын дууны уралдааны сүүлийн шатанд өнгөрсөн жил түрүүлсэн Нидерланд орон ялагчийн хувиар, Европын холбооны өргөн сүлжээний радиод их хэмжээний санхүүгийн тусламж үзүүлсэн Герман, Испани, Франц, Итали, Их Британийг багтаасан 26 орон шууд оролцохоор болжээ.

Эх сурвалж: www.polit.mn