Т.САЙХАН
2021.05.18
Сүүлийн 24 цагт хийсэн шинжилгээний хариуг ЭМЯ-наас танилцууллаа. COVID-19 халдварын 349 шинэ тохиолдол бүртгэгдэж, долоон хүн нас баржээ. Улсын хэмжээнд халдварын нийт батлагдсан тохиолдол 49524 болсон бол CОVID-19-ийн шалтгаант нас барсан хүний тоо 221 болжээ. Сүүлийн 24 цагт 887 хүн эдгэрч, эдгэрсэн хүний тоо 42721 болж байна.
COVID-19-ийн нэн хүнд хэлбэрээр долоон иргэн нас барсан байна. Тодруулбал,
- Тавдугаар сарын 10-нд онош нь батлагдсан 91 настай эрэгтэй
- Тавдугаар сарын 12-нд онош нь батлагдсан 61 настай эрэгтэй
- Тавдугаар сарын 15-нд онош нь батлагдсан 72 настай эрэгтэй
- Тавдугаар сарын 17-нд онош батлагдсан 51 настай эмэгтэй
- Тавдугаар сарын 14-нд онош нь батлагдсан 84 настай эмэгтэй
- Дөрөвдүгээр сарын 26-нд онош нь батлагдсан 81 настай эмэгтэй
- Дөрөвдүгээр сарын 27-нд Орхон аймгийн голомтоос онош нь батлагдсан 55 настай эрэгтэй эмнэлэгт хэвтэн эмчлүүлж байгаад нас баржээ.
ХӨСҮТ-ийн тандалт судалгааны албаны дарга А.Амбасэлмаа “Вакцины бүрэн тунг авсаны дараагаар 14-21 хоногт халдвар хамгааллын дэглэмийг чанд сахих хэрэгтэй. Тархалтыг буурсан гэж үзээд, тайвширч болохгүй. Өнөөдөр лабораториор бүртгэгдэж байгаа өвчлөлийн тоо буурч байгаа. Харин шинж тэмдэггүй буюу хөнгөн балархай хэлбэрээр өвчилж буй хүмүүсийн тоо буураагүй. Халдварын шалтгаант нас баралтыг бууруулах гол арга бол хөнгөн, шинж тэмдэггүй хэлбэрээр халдвар авсан иргэд өөрсдийгөө маш сайн хянах, хүндрүүлэхгүй байхад хэрэгтэй. Эмнэлзүйн шинж тэмдэг хүндрэх үед өөрийнхөө хүчилтөрөгчийг хянуулах арга хэмжээг авах хэрэгтэй Халдвар илэрснээс хойш 14 хоногийн дотор халдвар бусдад тараах эрсдэлтэй гэдгээ хөнгөнөөр өвчилсөн иргэд анхаарах хэрэгтэй” гэлээ.
Эх сурвалж:www.polit.mn