“Эрдэнэт” үйлдвэрийн мөнгийг банк бусаар дамжуулж угаасан хэрэг юу болов

2021-05-12
Нийтэлсэн: Админ
 2 мин унших

С.САРУУЛ

Монголын Улсын шавхагдашгүй саалийн “үнээ” гэгддэг уулын баяжуулах “Эрдэнэт” үйлдвэр мөн ч олон хүнийг тэтгэж байгаа. Тэр ч утгаараа “Эрдэнэт” үйлдвэр тийшхи эрх ашиг мөнхөд үргэлжилсээр ирсэн. Худал гэх вий гэсэн шиг хэвлэлийн шарласан хуудас бэлхнээ баримт болж үлдсэн дээ.

Эрүүл мэнд, эдийн засгаараа манай улс битгий хэл дэлхий нийтээр цар тахлын өмнө сөхөрлөө. Тиймээс хүний алтан амь, элгээрээ хэвтсэн эдийн засгаа аварч үлдэхийн тулд хэн хүнгүй чармайсан бүтэн жил өнгөрлөө. Хувийн хэвшлүүд ихэнх нь Х тайлан гаргасан. Харин цар тахлын хүнд нөхцөл байдалд төрийн өмчит компаниуд ч багагүй бүсээ чангалах эгзэгтэй үетэй нүүр туллаа. Гэтэл манай улсын урдаа барьдаг ганц үйлдвэр цар тахлын үед хэмнэх нь битгий хэл мөнгөөр “тоглосон” байж мэдэхээр сэжүүрийн захаас хууль хяналтынхан атгаад сар гаруй болж байна. Өнгөрсөн гуравдугаар сарын сүүлчээр АТГ-ын Мөрдөн шалгах хэлтсээс “Эрдэнэт” үйлдвэрийн зарим албан тушаалтнуудыг саатуулсан. Тодруулбал, үйлдвэрийн Худалдан авалт, хангамжийн хэлтсийн орлогч дарга Ж.Ганзориг,  ахлах мэргэжилтэн М.Марал-Эрдэнэ нарыг эрх мэдэл, албан тушаалаа  урвуулан ашиглаж, бусдад давуу байдал олгосон. Тендер будилаантуулж, үндэслэлгүйгээр хөрөнгөжсөн үндэслэлээр баривчилж 48 цаг цагдан хориод байв. Тэднийг Эрүүгийн хуулийн 22.1-2 дахь хэсэгт заасан “нийтийн албан тушаалтан эрх мэдлээ урвуулж их хэмжээний хохирол учруулсан” гэх үндэслэлээр яллагдагчаар татаж үргэлжлүүлэн хорих нь зүйтэй гэж үзсэн байна.

Тиймээс Ж.Ганзориг, М.Марал-Эрдэнэ нарыг  төрийн болон орон нутгийн өмчийн хөрөнгөөр бараа, ажил, үйлчилгээ худалдан авах тухай хууль зөрчиж, бусдад давуу байдал олгон урьдчилан тохиролцож сонгон шалгаруулалт явуулсан хэрэгт буруутгаж яллагдагчаар тооцоод байгаа юм. Хачирхалтай нь тухайн үед АТГ-аас тэднийг  30 хоног цагдан хорих хүсэлтийг Орхон аймгийн сум дундын шүүхэд гаргахад хорих “шаардлагагүй” гэсэн шийдвэр гаргаж байв. Шүүхийн байгууллагын энэ үйлдэл нь Монголд шударга ёсыг сахиулах үүрэгтэй шүүгчид нь хүртэл “Эрдэнэт” үйлдвэрийн эрх мэдэл, нөлөөний "барьцаанд" орсныг гэрчиллээ хэмээн хэвлэлүүд бичиж байв.

Хууль хяналтынхны шалгалтаар “Эрдэнэт” үйлдвэрийн Худалдан авалт, хангамжийн хэлтсийн орлогч дарга Ж.Ганзоригийг буруутгаж буй хэрэгт эхнэр нь хамтран оролцож байсан баримт байгаа аж. Ингэхдээ урьдчилан байдлаар хуйвалдаж тендер авдаг байсан компанитай Ж.Ганзоригийн эхнэр холбоотой.Хууль бусаар олсон мөнгөө өөрсдийн хамаарал бүхий банк бус санхүүгийн байгууллагаар дамжуулдаг байсныг харвал “Эрдэнэт” үйлдвэрийн албан тушаалтнууд тендерээр дамжуулж мөнгө угаадаг байж болзошгүй нөхцөл байдал үүсч мэдэхээр байгааг албаны эх сурвалж хэлж байна. Тиймээс АТГ-аас үйлдвэрийн Худалдан авалт, хангамжийн хэлтсийн орлогч дарга Ж.Ганзориг,  ахлах мэргэжилтэн М.Марал-Эрдэнэ нарыг албан тушаалаас нь түдгэлзүүлж Улаанбаатар руу дуудан шалгаж эхэлсэн байдаг. Харин бид энэ талаар АТГ-аас тодруулахад “Шалгаж байгаа. Прокурорын байгууллагын зөвшөөрлөөр мэдээлэл өгнө” гэлээ.

Эх сурвалж: www.polit.mn

МЕТА компанийн төлөөлөгчид улс төрийн намуудад сургалт, мэдээлэл хийв

Иргэдийн улс төрийн эрх, эрх чөлөөг хангаж, хамгаалах, сонгуулийн боловсрол мэдлэ

1 цаг 32 мин
Амьдрал яагаад үзэсгэлэнтэй вэ гэж үү?

Бэрхшээл сорилт бүрийн ард бэлэг бэлдсэн байдгаараа амьдрал үзэсгэлэнтэй.

1 цаг 37 мин
Төр хөдөлж эхэлтэл тэдний эрхийг Г.Жамъян сэтгүүлч “манасан”

Дэд бүтцийн сайдын үүрэг гүйцэтгэгч С.Зоригийг 26 жилийн өмнө онц хэрцгийгээр хөнөөсөн хэргийг тойрсон ноцтой ү

1 цаг 42 мин
IDU: Монголын ардчилал нэн эгзэгтэй “саарал” түвшинд байна

Азийн цээжинд  ардчиллын баян бүрд болж олон улсад жишиг  болж байсан Монгол Улсад ардчил

1 цаг 47 мин
Жижиг орнууд “ах” оронд найдах биш өөртэйгөө адилхан улсуудтай найзалж дэмжиж хөгжих хэрэгтэй

НҮБ-ын Ерөнхий Асамблейн 70 дугаар чуулганаар 2015 онд “Тогтвортой хөгжлийн зорилт”-ын 16 дахь зорилгын баталж,

1 цаг 52 мин
Би биш бид илүү үнэ цэнийг бүтээнэ

Үндэсний өдөр тутмын “Зууны мэдээ” сонин цаг үеийн хамгийн эрэлттэй, сонирхол татсан эрхмүүдийг “Трэнд зочин” буландаа урьдаг билээ

1 цаг 57 мин
Монголын АН, Олон улсын Ардчилсан холбооноос гаргасан тунхаг бичгийг сайшаав

Монголын АН, Олон улсын Ардчилсан холбооноос гаргасан тунхаг бичгийг сайшаав

11 цаг 56 мин
Анхны эмэгтэй УИХ-ын дэд дарга

Анхны эмэгтэй УИХ-ын дэд дарга

19 цаг 25 мин
Бан Ги Мүн: Тогтвортой байдлаа хамгаалах зорилтууд томоохон эрсдэлтэй тулж байна

Бан Ги Мүн: Тогтвортой байдлаа хамгаалах зорилтууд томоохон эрсдэлтэй тулж байна

20 цаг 16 мин
“Алтай дамнасан тогтвортой байдлын яриа хэлэлцээ” олон улсын чуулган эхэллээ

“Алтай дамнасан тогтвортой байдлын яриа хэлэлцээ” олон улсын чуулган эхэллээ

20 цаг 23 мин