Б.ДОЛЖИНЖАВ

Эрүүл мэндийн хөгжлийн төвийн гаргасан судалгаагаар нэг их эмчид ногдох хүний тоо  283, нэг сувилагчид ногдох хүний тоо 256 болсон байна. Цар тахлын үед энэ тоо нэмэгдсэнээс үүдэн эхийн эндэгдэл 28 хувиар  өсчээ.

Энэ талаар Монголын анхны фемтек компани “Фемтек Солюшн” ХХК-ийн үүсгэн байгуулагч БАриунсанаа, Б.Манд нар “Тав хүртэлх насны хүүхдийн эндэгдлийн 70 хувь нь 0-28 хоногтой байхад тохиолддог гэхээр жирэмсэн үеийн ээжийн асаргаа, амьдралын хэв маягын талаарх мэдээ мэдээлэл гэдэг амины үнэтэй байдаг. Гэтэл  эрүүл мэндийн сайдын тушаал дээр 15 минут үзэх ёстой гэж заасан ч тийм боломж байдаггүй тухай эмч нар ярьдаг. Асуугаагүй үлдсэн зүйлээ ээж аав нар хэнээс, хаанаас авах вэ гэдэг нь гол асуудал юм. Гэхдээ одоо ухаалаг утас барьж байгаа шинэ үеийн ээж нар ягаан дэвтэр хөтлөөд явахаас илүү гарын дор ухаалаг төхөөрөмжөөрөө өөрийгөө хянаад явахыг илүүд үзэх болсон байна. Эрүүл  мэндийн технологи нь зан үйлийн технологи буюу өөрийгөө оношилдог эмчилдэг, зайнаас зөвлөгөө авдаг чиглэл рүүгээ хурдтай явж байгаа тул зөвлөгөө өгөх тогтолцоо аль болох цахимжвал хүртээмж нэмэгдэх боломжтой” гэж “Зууны мэдээ” сонинд ярьжээ.

Эх сурвалж:www.polit.mn